Дар ноҳияи Ашт мактаб ба номи Баҳриддин Камолиддинов гузошта шуд

Март 24, 2022 09:29

ДУШАНБЕ, 24.03.2022 /АМИТ «Ховар»/. Чанде қабл дар саҳни бинои муассисаи давлатии таҳсилоти миёнаи умумии №37-и Ҷамоати деҳоти Шодобаи ноҳияи Ашт маросими номгузорӣ ва бардоштани парда аз лавҳаи Арбоби шоистаи илму техника, Аълочии маорифи халқи Тоҷикистон ва Корманди шоистаи Тоҷикистон Баҳриддин Камолиддинов баргузор гардид, хабар доданд  дар Мақомоти иҷроияи ҳокимияти давлатии ноҳияи Ашт ба АМИТ «Ховар».

Дар ҳамоиш Раиси ноҳияи Ашт Шӯҳрат Муҳаммадзода, роҳбарони сохторҳои марбутаи соҳавӣ, сарварони муассисаҳои таълимӣ, роҳбарияти Ҷамоати деҳоти Шодоба, ҳамкасбон, шогирдон, хешону пайвандон ширкат варзиданд.

Баъд аз ифтитоҳи лавҳа раиси ноҳия иброз дошт, ки «дар арафаи таҷлили ҷашнҳои бузургу таърихӣ, дар ин рӯзҳои таҷлили ҷашни байналмилалии Наврӯз баргузории маросими номгузорӣ ва гузоштани лавҳа дар ин боргоҳи илму маърифат ба номи Арбоби шоистаи илму техника, Аълочии маориф ва Корманди шоистаи Тоҷикистон Баҳриддин Камолиддинов барои мо ва тамоми ҳамдиёрон шарафу ифтихор мебошад. Барои мо, сокинони ноҳияи Ашт ифтихори бузург аст, ки чунин инсони барӯманд, ватандӯст, забондон фахри тамоми миллати тоҷик зодаи диёри мо мебошад. Мо бояд номи неки он касро доимӣ дар қалбу фаъолиятамон абадӣ зинда нигоҳ дорем».

Зикр гардид, ки саҳми устоди барӯманду олими муътабар Баҳриддин Камолиддинов дар тарбияи шогирдон, олимони соҳаи филологияи тоҷик назаррасу шоиста аст. Устод дар фаъолияти корӣ ҳамчун олими забоншинос зиёда аз 260 мақола, асарҳои илмию методӣ, китобҳои дарсӣ, асари сеҷилдаи «Грамматикаи забони тоҷикӣ» ва даҳҳо рисолаҳои дигарро оид ба такмили забони тоҷикӣ эҷод намудааст.

Баҳриддин Камолиддинов зимни  қабули «Қонуни забони давлатӣ» ба сифати узви комиссия дар радио, телевизион ва рӯзномаю маҷаллаҳо пайваста сухан гуфта, дар қабули қонун саҳми беназир дорад.

Фарзанди устод Фаридун Камолиддинов дар бораи хислатҳои нотакрори устод, ватандӯстӣ, ватанпарварӣ, меҳнати софдилона барои бунёди забони ноби тоҷикӣ, эҷоди силсилаасарҳо, китобҳои услубшиносӣ ва такмили забони давлатӣ, хусусияти серталабӣ, инсондӯстию меҳрубониҳои падар ва дигар ёддоштҳояш сухан гуфт.

Ёдовар мешавем, ки чанд муддат пеш дар Ҷамоати деҳоти Понғоз, дар маҳаллаи зисти устод кӯчаи марказӣ ба номи Баҳриддин Камолиддинов гузошта шуд.

 

АКСҲО: МИҲД н. Ашт

Март 24, 2022 09:29

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад