Дар ноҳияи Фирдавсӣ таҳти унвони «Нақши занон дар ташаккули давлати тоҷикон» ҳамоиш доир гардид
ДУШАНБЕ, 05.03.2022 /АМИТ «Ховар»/. 4 март бо ташаббуси Кумитаи иҷроияи ҳизб дар ноҳияи Фирдавсӣ бахшида ба Рӯзи Модар мизи мудаввар таҳти унвони «Нақши занон дар ташаккули давлати тоҷикон» баргузор гардид. Дар ин бора мудири шуъбаи таблиғот ва иттилооти КИ ҲХДТ дар ноҳияи Фирдавсӣ Муслим Усмонзода ба АМИТ «Ховар» хабар дод.
Дар ҳамоиш раиси Кумитаи иҷроияи ҳизб дар ноҳияи Фирдавсӣ Абдураҳим Шоҳиён, муовини Раиси ноҳияи Фирдавсӣ Саодат Шукурова, вакили Маҷлиси намояндагони Маҷлиси Олии Ҷумҳурии Тоҷикистон Ҳуснигул Одиназода, шоираи халқии Тоҷикистон Меҳринисо Бобобекова, мушовири Раиси Кумитаи кор бо занон ва оила Марҳабо Латифзода, шоири халқии Тоҷикистон Муҳаммад Ғоиб ва бонувони фаъол иштирок намуданд.
Абдураҳим Шоҳиён ҳозиринро ба Рӯзи зан-модар табрику таҳният намуда, зикр кард, ки саҳми босазои занону бонувон дар рушди устувор ва пойдории давлат назаррас аст.
Дар идомаи ҳамоиш иштирокчиён атрофи «Нақши занон дар ташаккули давлати тоҷикон» суханронӣ намуданд. Аз ҷумла Меҳринисо Бобобекова тазаккур дод, ки «модар воқеан нахустустоди башарият аст ва фарзанд каломи аввалинро аз ӯ меомӯзад. Ҳар модаре, ки соҳиби саводу дониш аст, фарзанди ӯ ҳам босаводу хушахлоқ ба воя мерасад. Ҳатто сатҳи забондонии фарзанд аз сатҳи забондонии модар вобаста аст, зеро халқ беҳуда нагуфтааст, ки «Нотиқ он кас шуд, ки аз модар шунид»,- иброз дошт М. Бобоекова.
Ҳамзамон Муҳаммад Ғоиб оид ба васфи зан-модар ҳамчун олиҳа ва гавҳари бебаҳо ибрози андеша намуда, аз эҷодиёти худ вобаста ба мақоми зан-модар баҳри ҳозирин шеърҳо қироат кард.
Дар интиҳо занону бонувони собиқадор ва фаъоли ҲХДТ аз ҷониби Кумитаи иҷроияи ҳизб дар ноҳияи Фирдавсӣ бо туҳфаҳои хотиравӣ қадрдонӣ гардонида шуданд.
АКСҲО: КИ ҲХДТ
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
