Дар ноҳияи Шаҳринав ҳуқуқи истеъмолкунандагон ҳимоя мегардад
ШАҲРИНАВ, 16.03.2022 /АМИТ «Ховар»/. 15 март кормандони Маркази давлатии ташхисию санитарии ноҳияи Шаҳринав дар якҷоягӣ бо мутахассисони мақомоти иҷроияи ҳокимияти давлатии ноҳия бо мақсади ҳимояи ҳуқуқи истеъмолкунандагон ва баланд бардоштани маърифати истеъмолкунандагон дар байни аҳолӣ ва соҳибкорони мағозаю бозорҳои ноҳия вохӯрию суҳбатҳо доир намуда, ба сокинон оид ба ҳимояи ҳуқуқи истеъмолкунандагон варақаҳои иттилоотӣ тақсим намуданд. Дар ин бора аз Мақомоти иҷроияи ҳокимияти давлатии ноҳияи Шаҳринав ба хабарнигори АМИТ «Ховар» иттилоъ доданд.
Мақомоти иҷроияи ҳокимияти давлатии ноҳияи Шаҳринав бо мақсади иҷрои банди 2 қарори Шӯрои сарони ҳукуматҳои Иттиҳоди давлатҳои Мустақил аз 18 октябри соли 2011 оид ба татбиқи давраи дуюми Стратегияи рушди иқтисодии Иттиҳоди Давлатҳои Мустақил дар соҳаи ҳимояи ҳуқуқи истеъмолкунандагон нақшаи чорабиниҳо таҳия ва тасдиқ намудааст, ки дар он сохторҳои дахлдор ба таври мушаххас доир ба ҳифзи ҳимояи ҳуқуқи истеъмолкунандагон дар якҷоягӣ бо мақомоти ҳифзи ҳуқуқ мунтазам дар бозору мағозаҳо санҷишҳои муштарак гузаронида, маҳсулоти пастсифату муҳлаташон гузаштаро мусодира карда, нобуд месозанд.
Ҳамчунин барои боз ҳам баланд бардоштани маърифати ҳуқуқии истеъмолкунандагон ва ба ин васила беҳтар намудани сатҳу сифат ва бехатарии мол, кор ва хизматрасонӣ дар байни аҳолӣ корҳои фаҳмондадиҳӣ гузаронида, тавассути воситаҳои ахбори омма мақолаю гузоришҳо нашр карда мешаванд.
Дар асоси талаботи моддаи 41 Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» ҷиҳати ҳимояи ҳуқуқи истеъмолкунандагон дар назди мақомоти иҷроияи ҳокимияти давлатии ноҳияи Шаҳринав Маркази машваратӣ бо телефони боварӣ оид ба ҳимояи ҳуқуқи истеъмолкунандагон фаъолият менамояд, ки ҳар шаҳрванд метавонад тавассути он бемамониат арзу шикояти худро расонад.
Масъулини ноҳияи Шаҳринав иброз доштанд, ки шаҳрвандонро зарур аст барои ҷоннок шудани кори комиссия ва ҳимояи ҳуқуқҳои истеъмолиашон дар вақти харидории молу маҳсулот ба сифат, муҳлати истифода ва ҳуҷҷатҳои маҳсулот аҳамият диҳанд ва ба ин васила саломатии худ ва наздиконашонро эҳтиёт карда, аз ҳуқуқҳои истеъмолиашон ҳимоя намоянд.
АКСҲО аз Мақомоти иҷроияи ҳокимияти давлатии ноҳияи Шаҳринав
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
