Дар Суғд ба шарафи ҷашни Наврӯз бозиҳои миллӣ гузаронида шуданд
ДУШАНБЕ, 16.03.2022 /АМИТ «Ховар»/. Дар варзишгоҳи «Хуррамшаҳр» — и Донишгоҳи давлатии Хуҷанд бо номи академик Бобоҷон Ғафуров даври вилоятии озмуни «Бозиҳои миллӣ» доир гардид, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Дар даври аввал ва дуюми озмун дар маҷмӯъ беш аз 50 ҳазор нафар хонандагони муассисаҳои таҳсилоти миёнаи умумии шаҳру ноҳияҳои вилоят иштирок намуда, беҳтаринҳо ба даври вилоятии озмуни мазкур роҳхат гирифтанд.
Дар озмун аз 15 шаҳру ноҳияҳои вилоят, аз ҷумла шаҳрҳои Хуҷанд, Гулистон, Бӯстон, Истиқлол, Истаравшан, Исфара, Конибодом ва ноҳияҳои Бобоҷон Ғафуров, Деваштич, Шаҳристон, Зафаробод, Ашт, Мастчоҳ, Спитамен, Ҷаббор Расулов беш аз 5 ҳазор нафар ғолибони даври шаҳриву ноҳиявии озмун иштирок намуданд. Аз тарафи Раиси вилоят Раҷаббой Аҳмадзода ба беш аз 1000 нафар кӯдакони хурдсол туҳфаҳои идона тақдим гардиданд.
Озмуни мазкур беш аз 20 сол инҷониб бо корбарии Маркази таҳсилоти иловагии назди Раёсати маорифи вилоят аз рӯи бахшҳои «Лалакпаронӣ», «Бодбарак», «Чиллак», «Ошуқ», «Ҳаппак», «Арғамчинбозӣ», «Лакпар» ва «Ланкабозӣ» баргузор карда мешавад.
Дар ҷамъбасти озмун ғолибон ва иштирокчиёни фаъол бо Диплом, Сипоснома ва туҳфаҳои хотиравӣ қадрдонӣ гардиданд.
АКСҲО: Хадамоти матбуоти Раиси в. Суғд
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
