Дар Тоҷикистон бориши барфу борон сабаби фаромадани тарма ва зери об мондани заминҳои кишоварзӣ гардид
ДУШАНБЕ, 15.03.2022 /АМИТ «Ховар»/. Шабонарӯзи гузашта дар қаламрави Тоҷикистон фаромадани тарма, сел ва сангрезӣ ба амал омад, иттилоъ медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ.
Бар асари бориши шадид сатҳи оби сел дар Аштсой ва Пунуксойи ноҳияи Ашти вилояти Суғд баланд шуд. Дар натиҷаи омадани сел канали Фарғона, ки аз мавзеи Косагул, маҳаллаи Янгиободи Ҷамоати деҳоти Ориён мегузарад, аз об пур шуда, сабаби зери об мондани 18 ҳавлӣ ва ду бинои истиқоматӣ гардид.
«Илова бар ин, ҳавлии бинои муассисаи таҳсилоти миёна ва қариб 70 гектар замини кишоварзӣ зери об мондаанд. Талафоти ҷонӣ нест. Дар ҷойи ҳодиса комиссияи ҳолатҳои фавқулодаи ноҳия фаъолият дошта, корҳои бартарафсозии оқибатҳои офати табиӣ идома доранд.
Бар асари бориши шадид сатҳи оби рӯдхонаи Ёхсу, ки аз ҳудуди деҳаи Гултеппаи Ҷамоати деҳоти ба номи Х.Раҷабови ноҳияи Восеи вилояти Хатлон мегузарад, низ баланд гардид.
Ҳамчунин бориши барфу борон боиси фаромадани тарма дар ноҳияҳои кӯҳии ҷумҳурӣ гардид. Дар ҳудуди деҳаи Дараи Нӯшори Ҷамоати деҳоти Нӯшори ноҳияи Тоҷикобод ду тарма фаромад. Бар асари фаромадани тармаҳо хатҳои оби ошомиданӣ ва каналҳои обёрии Ҷамоати деҳоти Нӯшору Зарафшон қисман хароб шудаанд. Дар ҷойи ҳодиса комиссияи ҳолатҳои фавқулодаи ноҳия кор мекунад. Талафот нест.
Бар асари бориши зиёд дар шоҳроҳҳои Хоруғ-Ишкошим, Хоруғ-Рошқалъа, Кӯлоб-Дарвоз-Хоруғ ва Ванҷ-Рӯшон-Хоруғ шаш тарма ва як сангрезӣ ба қайд гирифта шуд. Дар натиҷаи офати табиӣ талафот ва хисорот ба амал наомадааст.
Таҳдиди болоравии сатҳи об дар рӯдхонаҳо боқӣ монда, дар роҳҳои кӯҳии ҷумҳурӣ омадани сел, фаромадани тарма, фаромадани ярч ва сангрезиҳо имконпазир аст. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз сокинон хоҳиш мекунад, ки ҳангоми истифода аз роҳҳои кӯҳӣ то ҳадди имкон эҳтиёткор бошанд, аз сайру гашт дар минтақаҳои хатарнок, анҷом додани корҳои кишоварзӣ, ҷамъоварии гиёху занбӯруғ, чаронидани чорво, шикор ва моҳидорӣ дар кӯҳистон худдорӣ намоянд.
АКС: КҲФ ва МГ
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
