ДАРАХТ БИНШОН! Дар шоҳроҳи Кӯлоб-Ховалинг ва кӯчаҳои марказӣ беш аз 1000 бех ниҳолҳои ороишию сояафкан шинонида шуданд

Март 16, 2022 15:08

ХОВАЛИНГ, 16.03.2022 /АМИТ «Ховар»/. Аз ҷониби бахши ҳифзи муҳити зисти ноҳияи Ховалинг дар ҳамдастӣ бо Мақомоти иҷроияи ҳокимияти давлатӣ  ва иштироки сокинон дар шоҳроҳи Кӯлоб-Ховалинг ва кӯчаҳои марказии ноҳия беш аз 1000 бех ниҳолҳои ороишию сояафкан шинонида шуданд. Дар ин рӯзҳои мусоиди фасли баҳор кормандони ташкилоту корхона ва сокинони ноҳияи Ховалинг дар маъракаи сарсабзу хуррамгардонии муҳити зист фаъолона иштирок менамоянд, хабар медиҳад мухбири минтақавии АМИТ «Ховар».

Дар ду паҳлӯи шоҳроҳи мазкур, ки аз ҷониби Ҳукумати Ҷумҳурии Тоҷикистон навсозӣ гардида, соли 2019 бо иштироки Пешвои миллат мавриди истифода қарор гирифта буд, шинонидани ниҳолҳои мевадиҳанда, аз ҷумла олую олуча, себу муруд ва ниҳолҳои ороишӣ бомаром ҷараён дорад. Шурӯъ аз даромадгоҳи ноҳия фақат дар мавсими имсола беш аз 6 ҳазор бех ниҳол шинонида шуд.

Тавре мудири бахши ҳифзи муҳити зисти ноҳияи Ховалинг Фирдавс Абдураҳимов иттилоъ дод, ҳангоми шинонидани ниҳолҳо бо тавсияи мутахассисон қоидаҳои агротехникӣ риоя карда мешаванд. Дар бехи дарахтон ба хок нуриҳои органикӣ ва минералӣ ҳамроҳ намуда, об мерезанд ва баъдан ниҳолҳоро мешинонанд. Риояи ин қоидаҳо боис гардиааст, ки соли сипаригардида хушкшавии ниҳолҳо ҳамагӣ 7 фоизро ташкил дод.

Дар кӯчаҳои марказӣ ва хиёбонҳо низ ҳангоми шинонидани ниҳолҳо коидаҳои агротехникӣ риоя карда мешаванд. Кормандони идораи хоҷагию коммуналӣ дар хиёбонҳо гулҳои мавсимӣ мешинонанд. Ба иттилои масъулин, то имрӯз беш аз 30 ҳазор бех гули садбарг ва 5 ҳазор дона гули лола шинонида шудааст. Ҳамзамон бехи дарахтонро нарм намуда, то охири моҳи апрел шинонидани гулҳои мавсимиро идома медиҳанд.

Дар Ҷамоати деҳоти Кӯлоби шаҳри Кӯлоб низ сокинон бо саҳми соҳибкорони маҳаллӣ дар кӯчаю маҳаллаҳо ниҳолҳои ороишӣ мешинонанд. Дар ин ҷамоат маъракаи ниҳолшинонӣ то охири моҳи март идома меёбад.

 

АКС аз бойгонии АМИТ «Ховар»

Март 16, 2022 15:08

Хабарҳои дигари ин бахш

ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
ТАТБИҚИ БАРНОМАИ «МАМЛАКАТИ САБЗ». Дар шаҳрҳои Душанбе ва Ваҳдат 1500 бех ниҳол шинонида шуд
ДАРАХТ БИНШОН! Омӯзгорони ноҳияи Рӯдакӣ дар канори шоҳроҳи Душанбе-Ваҳдат дарахтони ҳамешасабз шинониданд
ДАРАХТ БИНШОН! Дар варзишгоҳи марказии ноҳияи Восеъ беш аз 2000 бех дарахти сӯзанбарги ороишӣ шинонида шуд
«ШАҲРИ МАН – ХОНАИ МАН». Дар Душанбе беш аз 200 арчаи ҳамешасабз шинонида шуд
НАМУНАИ ИБРАТ! Дар замини назди бинои Мақомоти иҷроияи ҳокимияти давлатии ноҳияи Ҷайҳун 8 ҳазор қаламчаи гули садбарг шинонида шуда, боғи зардолу ва шафтолу бунёд гардидааст
ТОҶИКИСТОН — МАМЛАКАТИ САБЗ. Дар канори роҳҳои мошингарди ҷумҳурӣ беш аз 6 миллион ниҳолу буттаҳо шинонида мешаванд
ДАРАХТ БИНШОН! Дар минтақаҳои гуногуни ноҳияи Варзоб зиёда аз 14 ҳазор бех ниҳол шинонида шуд
ДАРАХТ БИНШОН! Дар Тоҷикистон ҳаракати ҷумҳуриявии ниҳолшинонӣ бомаром идома дорад