Комиссари Олии СММ оид ба паноҳандагон иқдомҳои Ҳукумати Тоҷикистонро дар ҳалли мушкилоти гурезаҳо баланд арзёбӣ кард
ДУШАНБЕ, 17.03.2022 /АМИТ «Ховар»/. 17 март Вазири корҳои дохилии Ҷумҳурии Тоҷикистон Рамазон Раҳимзода бо Комиссари Олии Созмони Милали Муттаҳид оид ба гурезаҳо Филиппо Гранди ва ҳамроҳони ӯ вобаста ба ҳалли мушкилоти гурезаҳо аз Ҷумҳурии Исломии Афғонистон, роҳҳои ҳифзи ҳуқуқ ва расонидани кумак ба онҳо мулоқот намуд. Дар ин бора АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Вазири корҳои дохилӣ дар ҷараёни мулоқот зикр кард, ки Ҷумҳурии Тоҷикистон ҳамеша ба гурезаҳо ва шахсони паноҳҷӯянда таваҷҷуҳи хоса зоҳир намуда, баҳри ҳимояи ҳифзи ҳуқуқ ва амнияти онҳо мутобиқи меъёрҳои байналмилалӣ тадбирҳои зарурӣ меандешад.
Комиссари Олии Созмони Милали Муттаҳид оид ба гурезаҳо Филиппо Гранди иброз дошт, ки ин аввалин сафари ӯ ба ҳайси Комиссари Олии СММ оид ба гурезаҳо ба Тоҷикистон аст. Қаблан ба Тоҷикистон соли 2000 ташриф оварда, аз пазироӣ ва меҳмоннавозии мардуми тоҷик шарафёб гардидааст.
Мавсуф дар идомаи суҳбат иқдомҳои пешгирифтаи Ҳукумати Ҷумҳурии Тоҷикистонро дар самти қабулу ҷобаҷокунии гурезаҳо баланд арзёбӣ намуда, омодагии худро дар ҳалли мушкилоти мавҷуда изҳор намуд.
Ҳамчунин Филиппо Гранди аз иқдомҳои Тоҷикистон дар ҳалли масъалаҳои бешаҳрвандӣ изҳори хушнудӣ кард.
Ҷонибҳо ҷиҳати тақвияти ҳамкорӣ дар самти кор бо гурезаҳо, паноҳҷӯяндагон ва шахсони бешаҳрванд ибрози боварӣ намуданд.
АКС: ВКД ҶТ
Дар вилояти Хатлон санҷиши омодагии ҳайати захираҳои сафарбарӣ доир гардид
Раёсати Вазорати корҳои дохилӣ дар шаҳри Душанбе гурӯҳи муташаккили ҷиноятиро дастгир намуд
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
