Муомилоти моли яклухт ва чакана дар Тоҷикистон 11,8 фоиз афзуд

Март 30, 2022 12:36

ДУШАНБЕ, 30.03.2022 /АМИТ «Ховар»/. Ҳаҷми гардиши савдои яклухт ва чакана дар Тоҷикистон дар ду моҳи соли равон беш аз 7,2 миллиард сомонӣ (беш аз 559,4 миллион доллар)-ро ташкил дод, ки нисбат ба ҳамин давраи соли 2021-ум  11,8 дарсад бештар аст. Ба иттилои АМИТ «Ховар», дар ин бора хабаргузории «Авесто» бо истинод ба Вазорати рушди иқтисод ва савдои Ҷумҳурии Тоҷикистон  хабар медиҳад.

Ба иттилои манбаъ, дар ин давра дар бозорҳои озуқаворӣ, либос ва бозорҳои омехта ба маблағи беш аз 2,4 миллиард сомонӣ маҳсулот фурӯхта шудааст, ки 33,7 фоизи ҳаҷми умумии савдои чаканаро ташкил медиҳад.

Дар моҳҳои январ-феврал даромад аз ҳисоби фурӯши чорво беш аз  595 миллион сомонӣ,  маҳсулоти нафтӣ — қариб 1 миллиарду 266 миллион сомонӣ, мошинҳои боркаш ва сабукрав — 111,5 миллион сомониро ташкил дод. Дар ҳаҷми умумии муомилоти мол ҳиссаи маҳсулоти хӯрокворӣ беш аз 3,1 миллиард сомонӣ ё 49,7 фоиз, маҳсулоти ғайриозуқа беш аз 3,1 миллиард сомонӣ ё 50,3 фоизро ташкил дод.

Ба ҳисоби фоиз дар гурӯҳи озуқаворӣ гӯшту ҳасиб, шакар ва маҳсулоти қаннодӣ, орду нон, сабзавот, равғани растанӣ бартарӣ доранд. Миёни молҳои гурӯҳи ғайриозуқаворӣ ҳиссаи бештар ба маҳсулоти нафтӣ, матоъ, трикотаж, масолеҳи сохтмонӣ, пойафзол, молҳои электрикӣ рост меояд.

Дар давраи зикршуда ҳаҷми муомилоти моли чакана ба як шаҳрванди Тоҷикистон ба ҳисоби миёна 638 сомониро ташкил дод.

АКС аз avesta.tj

Март 30, 2022 12:36

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст