Муовини Сарвазир Сулаймон Зиёзода бо вазъи соҳаи кишоварзии минтақаи Кӯлоб шинос шуд
ДУШАНБЕ, 28.03.2022 /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода барои шиносоӣ бо ҷараёни корҳои саҳроӣ, омодагии кишоварзон ба мавсими баҳории кишти зироат, таъмиру тармими пойгоҳҳои обкашӣ ва тоза намудани заҳбуру заҳкашҳо аз ноҳияҳои Данғара ва Восеъ боздид ба амал овард, хабар медиҳад АМИТ «Ховар».
Зимни шиносоӣ бо вазъи соҳа бо масъулин ва кишоварзон суҳбату мулоқотҳо доир гардида, зикр шуд, ки бо таваҷҷуҳи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди соҳаи кишоварзӣ тамоми шароиту имконияти зарурӣ фароҳам оварда шудаанд.
Аз ин лиҳоз кишоварзонро зарур аст, ки ҳар қитъа заминро самараноку оқилона истифода намуда, барои баланд бардоштани ҳосилнокӣ ва тибқи дурнамои муайянгардида кишт намудани зироат малакаву маҳорати худро истифода намоянд.
Ҳамчунин муовини Сарвазири Ҷумҳурии Тоҷикистон ба масъулини соҳаҳои дахлдор барои сари вақт омода намудани пойгоҳҳои обкашӣ, вусъат бахшидани корҳои тозакунии заҳбуру заҳкашҳо, дар муҳлатҳои муқарраршуда додани озуқа барои зироат ва фароҳам овардани шароити мусоид барои фаъолияти деҳқонон дастуру супоришҳо дод.
Таъкид гардид, ки кишоварзон бояд бештар барои кишти маҳсулоти содиротшаванда, махсусан пахта таваҷҷуҳи бештар зоҳир карда, барои парвариши босифати он бо олимону мутахассисони соҳа ҳамкорӣ намоянд.
Дар ин зимн роҳбарони вазорату идораҳои дахлдор вазифадор гардиданд, ки барои боз ҳам бештар намудани ҳамкории институтҳои тадқиқотӣ, махсусан мутахассисони соҳаи растанипарварӣ бо деҳқонон тадбирҳои иловагӣ роҳандозӣ намоянд.
АКСҲО: АМИТ «Ховар»
Алоқаи боэътимод — дар ҳар гуна боду ҳаво
Пагоҳ дар Кумитаи забон ва истилоҳот, Кумита оид ба таҳсилоти ибтидоӣ ва миёнаи касбӣ, Маркази миллии тестӣ ва Муассисаи давлатии «Тоҷикфилм» нишасти матбуотӣ баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
Сокинони ноҳияи Рашт дар ҷашни Сада омодагиашонро ба корҳои кишоварзӣ изҳор доштанд
Имрӯз дар баъзе ноҳияҳои Тоҷикистон туман мефарояд
НИШАСТИ МАТБУОТӢ. Соли 2024 забҳи 586 сар чорвои мубталои бемории буғумдард пешгирӣ карда шуд
Ҷашни Сада дар шаҳри Ҳисор бо намоиши дастовардҳои кишоварзон пуршукуҳ таҷлил гардид
Кишоварзони фаъоли ноҳияи Зафаробод дар иди Сада кадрдонӣ гардиданд
«МАКТАБИ МОДАРОН». Дар Ёвон бо мақсади ба ҳаёти мустақилона омода намудани духтарон ҳамоиши тарғиботӣ доир шуд
