НАВРӮЗ КӮҲНАШАВӢ НАМЕПАЗИРАД. Дар Палатаи ҳисоб бахшида ба ин ҷашн ҷамъомад доир гардид

Март 24, 2022 09:03

ДУШАНБЕ, 24.03.2022 /АМИТ «Ховар»/. Бахшида ба ҷашни байналмилалии Наврӯз дар Палатаи ҳисоби Ҷумҳурии Тоҷикистон ҷамъомади идона баргузор шуд, ки зимни он гуфта шуд, «Наврӯз — ин падидаи асили фарҳанги миллӣ дар ягон давру замон кӯҳнашавӣ напазируфта, ҳамқадаму ҳамқисмати мардуми мо боқӣ мондааст»,- хабар доданд ба АМИТ «Ховар» дар ниҳоди мазкур. 

Муовини раиси Палатаи ҳисоб Файзалӣ Аҳмадзода гуфт, ки мояи ифтихори мардуми куҳанбунёди тоҷик аст, ки ба шарофати истиқлолу озодӣ Наврӯз – ин ҷашни ниёгони соҳибфарҳанги мо эҳё гардида, мазмуну моҳияти нав пайдо карда, ҳоло ба яке аз беҳтарин ҷашнҳои мардумӣ табдил ёфтааст.

«Ҳифзи дастовардҳои даврони соҳибистиқлолии мамлакат хусусан дар шароити ҷаҳони муосир, ки фазои сиёсии он ва низоми муносибатҳои байналмилалӣ бошиддат тағйир меёбад, аз ҳар  корманди бонангу номуси Палатаи ҳисоб, бахусус ҷавонон тақозо менамояд, ки тамоми неруи ҷисмониву зеҳнии худро ба ҳимояи сарзамини аҷдодӣ, таҳкими пояҳои давлатдории миллӣ, бунёдкориву созандагӣ ва рушди Ватани азизамон равона созанд»,-иброз дошт Файзалӣ Аҳмадзода.

Сардори Раёсати стандартҳо, таҳлил, рушд ва ҳамкории байналмилалии Палатаи ҳисоб Валимат Мавлонзода иброз дошт, ки «ҷавҳари таърихиву фарҳангии ҷашни Наврӯзро саодату пирӯзии аҳли башар ташкил дода, дар тӯли қарнҳои зиёд инсонҳоро ба ҳамдигарфаҳмиву ҳамзистии осоишта, накӯкориву созандагӣ, дӯст доштану эҳтиёт кардани табиат ва неъматҳои он ҳидоят менамояд».

Зикр шуд, ки Наврӯз на танҳо ҷашни оғози сол ва эҳёи табиат, балки таконбахши андешаҳои ваҳдату сарҷамъии инсоният ва омили тақвиятдиҳандаи ифтихори миллии мо мебошад.

 

АКС: Палатаи ҳисоби Ҷумҳурии Тоҷикистон

Март 24, 2022 09:03

Хабарҳои дигари ин бахш

Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид