Раёсати Вазорати корҳои дохилии Ҷумҳурии Тоҷикистон дар ВМКБ хабар медиҳад
ДУШАНБЕ, 31.03.2022 /АМИТ «Ховар»/. Имрӯз, 31 март айбдоршавандаи парвандаи ҷиноятӣ, зода ва истиқоматкунандаи шаҳри Хоруғи Вилояти Мухтори Кӯхистони Бадахшон (ВМКБ) Манучеҳр Шеров дастгир гардид. Дар ин бора ба АМИТ «Ховар» дар Маркази матбуоти Раёсати Вазорати корҳои дохилии Ҷумҳурии Тоҷикистон дар ВМКБ хабар доданд.
«31 марти соли ҷорӣ, айбдоршавандаи парвандаи ҷиноятии 27534 Шеров Манучеҳр Мисжитович, санаи таваллудаш 23.04.1986, зода ва истиқоматкунандаи шаҳри Хоруғ, кӯчаи М.Иҷубов, хонаи 51 дастгир гардид», — омадааст дар иттилоияи Раёсати ВКД дар ВМКБ.
Нисбат ба М. Шеров аз тарафи Прокуратураи ВМКБ 15 ноябри соли 2021 бо дастрасии моддаҳои 237, қисми 3, банди «а» ва 330, қисми 1-и Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, аз 9 декабри соли 2021 дар ҷустуҷӯи расмӣ қарор дошт.
Хотирнишон бояд кард, ки М. Шеров 14 ноябри соли 2021 дар якҷоягӣ бо аъзои гурӯҳи муташаккили ҷиноятии шаҳри Хоруғ Маҳмадбоқир Маҳмадбоқиров, Ҷамшед Шаъбонов ва дигарон дар пости маҳаллаи Тирчиди шаҳри Хоруғ ба кормандони раёсати Вазорати корҳои дохила бо табар ҳуҷум карда, онҳоро захмдор намуда буд.
Қаблан ба айбдоршаванда М. Шеров аз ҷониби мақомоти тафтишотӣ 4 маротиба барои ҳозир шудан ба Прокуратураи ВМКБ расман даъватнома дода шудааст, вале ӯ барқасдона аз ҳозир гардидан ва додани нишондод саркашӣ намудааст.
Нисбат ба дастгиршуда М. Шеров чорабиниҳои тафтишотӣ идома доранд.
АКС аз бойгонӣ
33-СОЛАГИИ ҚУВВАҲОИ МУСАЛЛАҲИ ТОҶИКИСТОН. Ин неруи боэътимод имрӯз амнияти давлат ва оромии ҷомеаро ҳифз менамояд
Барои дарёфти «Ҷоми Вазири мудофиа» мусобиқаи тирпаронӣ баргузор шуд
Вазорати мудофиаи Тоҷикистон: «Ҳангоми таҳияи маводи таблиғотии низомӣ бо истифода аз «зеҳни сунъӣ» риояи оиннома ҳатмӣ аст»
Сабабҳои асосии рух додани садамаҳои нақлиётӣ кадомҳоянд? Ва ё чаро то ҳол ин вазъ нигаронкунанда боқӣ мемонад?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
161 нафар муҳоҷирони экологӣ соли 2025 бо қитъаи замин ва кумаки яквақтаинаи моддӣ таъмин карда шуданд
