Русия содироти шакар ва ғалладонагиро ба якчанд кишвар муваққатан манъ намуд

Март 15, 2022 13:52

ДУШАНБЕ, 15.03.2022 /АМИТ «Ховар»/. Ҳукумати Русия тасмим гирифт, ки содироти ғалладонагиро ба кишварҳои узви Иттиҳоди иқтисодии АвруОсиё (ИИАО) ва шакари хоми қандро ба кишварҳои сеюм муваққатан манъ кунад. Қарорҳои дахлдорро сарвазири Федератсияи Русия Мишустин имзо кардааст. Ба гузориши АМИТ «Ховар», дар ин бора сомонаи кабинети вазирони Федератсияи Русия хабар медиҳад.

Ёдовар мешавем, ки ба ҷуз аз Русия ба узвияти ИИАО Арманистон, Беларус, Қазоқистон ва Қирғизистон шомиланд.

Маҳдудият барои ғалла то 30 июн ва барои шакар то 31 август амал мекунад. Маҳдудияти ғалладонагӣ ба гандум, меслин (омехтаи гандуму ҷавдор), ҷавдор, ҷав ва ҷуворимакка дахл дорад.

Зикр карда мешавад, ки ҳукумат барои содироти шакар ва ғалладонагӣ якчанд истисноҳо пешбинӣ намудааст. Ҳамин тариқ, иҷозат дода мешавад, ки онҳо берун аз ҳудуди кишвар, аз ҷумла бо мақсади расонидани кумаки башардӯстона ва дар доираи ҳамлу нақли байналмилалии транзитӣ интиқол дода шаванд.

Содироти чӯбу тахта ва ёқути кабуди сунъӣ

Ба ғайр аз ин, Вазорати саноат ва савдои Русия пешниҳод кард, ки то охири соли равон содироти чӯб ва маҳсулоти он ба «кишварҳои нодӯст», аз ҷумла ба ИМА ва Иттиҳоди Аврупо манъ карда шавад, хабар медиҳад ТАСС.

Дар вазорат иттилоъ доданд, ки аз 10 то 15 дарсади истифодаи ин молҳо аз ҷониби Финландия ба истеҳсолкунандагони Русия рост меояд. Вазорат афзуд, ки кишвар наметавонад ин гуна маводро зуд иваз кунад.

Вазорат ҳамчунин тавзеҳ додааст, ки саҳми Русия дар таъмини ҷаҳон бо ёқути кабуди сунъӣ тақрибан 40 дарсадро ташкил медиҳад, аммо онҳо имкони маҳдуд кардани содироти онро танҳо ҳамчун чораи охирин медонанд.

Содироти нуриҳои минералӣ

Ба гузориши хабаргузории ТАСС, Вазорати саноат ва савдои Русия аз тавлидкунандагони нуриҳои русиягӣ дархост кардааст, ки онҳоро дар кишвар монанд ва ба содирот нафиристанд. Вазорат гуфтааст, ки ҳоло «бар асари саркашӣ аз интиқоли нуриҳо аз ҷониби якчанд ширкати логистикии хориҷӣ» кишоварзони Аврупо ва манотиқи дигар дар дарёфти ҳаҷми қарордодии нуриҳои минералӣ ба мушкилӣ рӯбарӯ шудаанд.

Вазорат аз истеҳсолкунандагони нуриҳои минералӣ даъват кардааст, ки интиқоли маҳсулотро барои содирот муваққатан- то аз нав барқароркунии кори муназзам аз ҷониби интиқолдиҳандагон ва додани кафолати иҷрои уҳдадориҳои шартномавӣ қатъ намоянд.

АКС аз манбаъҳои боз

Март 15, 2022 13:52

Хабарҳои дигари ин бахш

Конфронси Гурӯҳи корӣ оид ба ҳамкории авиатсияи граждании Чин ва Осиёи Марказӣ (C5+1) баргузор гардид
НАМОИШГОҲИ БАЙНАЛМИЛАЛИИ САВДО «СУҒД-2024». Вилояти Суғд бо зиёда аз 60 давлати ҷаҳон робитаҳои иқтисодӣ дорад
Дар панҷ моҳ дар Тоҷикистон беш аз 1411 тонна моҳӣ истеҳсол шудааст
Масъалаи зиёд намудани парвозҳои транзитӣ бо истифода аз роҳи ҳавоии мустақими байни Тоҷикистон ва Чин баррасӣ гардид
Имконияти сармоягузорӣ ва зарфиятҳои иқтисодии Тоҷикистон барои соҳибкорони Швейтсария муаррифӣ шуд
САҲМИ ПЕШВОИ МИЛЛАТ ДАР РУШДИ ИҚТИСОДИ РАҚАМӢ. Дар ин мавзуъ дар Донишгоҳи миллӣ ҳамоиш доир шуд
СУҒД ВОДИИ ИМКОНИЯТҲО. Суратгузориш аз даҳумин Ярмаркаи байналмилалии савдо «Суғд-2024»
ЯРМАРКАИ БАЙНАЛМИЛАЛИИ САВДО «СУҒД-2024». Дар доираи он тавсеаи равобит дар соҳаҳои илму маориф ва фарҳанг баррасӣ шуд
Дар Душанбе таҳияи барномаи ҳамкории Тоҷикистон бо Фонди байналмилалии рушди кишоварзӣ баррасӣ гардид
Бонки миллии Тоҷикистон ва Дафтари ҳамкории иқтисодии Швейтсария ҳамкориро тақвият мебахшанд
Корхонаи хурди «Зари тоҷик» дар шаҳри Гулистон аз металлҳои қиматбаҳо маҳсулоти заргарӣ истеҳсол менамояд
Ҷамъияти дорои масъулияти маҳдуди «Пахтаи Кӯлоб» имсол дар 1900 гектар пахта кишт намудааст