Шералӣ Кабир аз якчанд корхонаи саноатии Панҷакент боздид кард
ДУШАНБЕ, 28.03.2022 /АМИТ «Ховар»/. Вазири саноат ва технологияҳои нави Ҷумҳурии Тоҷикистон Шералӣ Кабир 25-26 март аз якчанд корхонаҳои шаҳри Панҷакент боздид намуд, хабар медиҳад маркази матбуоти Вазорати саноат ва технологияҳои нави ҷумҳурӣ.
Тибқи хабари манбаъ, Вазири саноат ва технологияҳои нави ҷумҳурӣ Шералӣ Кабир бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди соҳаи саноат дар ҷараёни сафар бо вазъи фаъолияти ҶДММ КМ «Зарафшон» ва корҳои сохтмонӣ шинос шуд. Гуфта шуд, ки дар назди ин корхона ҶДММ «Маводи ба фарсудашавӣ тобовар» ба фаъолият оғоз менамояд, ки ба истеҳсоли саққо машғул мешавад. Аслан ин маҳсулот барои майда кардани санг лозим буда, қаблан аз шаҳрҳои Душанбеву Хуҷанд дастрас мегардид.
Дар маркази хизматрасонии «Убайдулло» коргоҳҳои дӯзандагӣ, мағозаи фурӯши либоси мактабӣ, маркази дандонпизишкӣ ва коргоҳи истеҳсоли мебел ба истифода супорида мешаванд. Ба Шералӣ Кабир иттилоъ доданд, ки бо баистифодадиҳии иншооти мазкур беш аз 100 ҷойи нави корӣ таъсис меёбад. Аз ҷумла, 70 нафар дар коргоҳҳои дӯзандагӣ, 40 нафар дар мағозаҳои фурӯши либоси мактабӣ, коргоҳи истеҳсоли мебел ва маркази дандонпизишкӣ фаъолият менамоянд.
Инчунин Шералӣ Кабир аз ҶСП «Мармари Саразм», ҶДММ «Парандис» ва ҶДММ «Броадтек Тоҷикистон Майнинг Инвестмент Лимитед» дидан намуда, ба масъулин барои бартараф намудани мушкилоти мавҷуда дастур дод.
АКС: Вазорати саноат ва технологияҳои нави ҶТ
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
