Тоҷикистон ва Ҳиндустон ҳамкориро дар низоми бонкӣ густариш медиҳанд
ДУШАНБЕ,17.03.2022/АМИТ «Ховар»/. Ба роҳ мондани ҳамкорӣ дар низоми бонкӣ байни Тоҷикистон ва Ҳиндустон дар мулоқоти Раиси Бонки миллии Тоҷикистон Ҳоким Холиқзода бо Сафири фавқулодда ва мухтори Ҷумҳурии Ҳиндустон дар Ҷумҳурии Тоҷикистон Вираҷ Сингх дар Душанбе баррасӣ гардид. Дар ин бора ба АМИТ «Ховар» дар Бонки миллии Тоҷикистон иттилоъ доданд.
Раиси Бонки миллии Тоҷикистон Ҳоким Холиқзода дипломати Ҳиндро бо вазъи макроиқтисодии кишвар — низоми бонкӣ шинос намуд. Зикр гардид, ки баъди давраи COVID-19 барқароршавии иқтисодиёти мамлакат, аз ҷумла низоми бонкӣ хуб буда, рушди воқеии иқтисодиёт дар ҷамъбасти соли 2021 таъмин гардид ва ташкилотҳои қарзии молиявӣ фаъолияти худро бо фоида ҷамъбаст намуда, иҷрои меъёрҳои асосии мақбулро таъмин карданд.
Ҳоким Холиқзода ҳавасмандии худро ба густариши муносибатҳои низоми бонкӣ бо Ҷумҳурии Ҳиндустон, аз ҷумла ба масъалаи барпо кардани муносибатҳои муросилотӣ байни бонкҳои тиҷоратии ду давлат, кушодани суратҳисобҳои муросилотии бонкҳои кишвар дар бонкҳои Ҳиндустон, тавсеаи ҳамкории мутақобили низомҳои пардохтӣ, имконияти таъсис додани намояндагиҳои бонкҳои Ҳиндустон дар Тоҷикистон изҳор дошт. «Бо назардошти низоми бонкии рушдёфтаи Ҷумҳурии Ҳиндустон ва амалияи пешрафта вусъат додани муносибатҳои боэътимод бо бонкҳои Ҳиндустонро ба манфиати кор медонем», — изҳор намуд Ҳоким Холиқзода.
Сафири фавқулодда ва мухтори Ҷумҳурии Ҳиндустон дар Ҷумҳурии Тоҷикистон Вираҷ Сингх аз имкониятҳои низоми бонкии Ҳиндустон, марказҳои муосири протсессингӣ, ки ба тамоми кишварҳои мутараққӣ баромад доранд, инчунин коргоҳи чопи пул ва ғайра маълумот дод.
«Барои рушди бемайлони ҳамкорӣ миёни низоми бонкии Ҳиндустону Тоҷикистон зарурати баргузории видеоконфронси муштарак барои муҳокимаи масъалаҳои зикршуда зарур ва ба манфиат хоҳад буд»- зикр намуд Сафири Ҳиндустон.
Дар анҷом Сафири фавқулодда ва мухтори Ҷумҳурии Ҳиндустон дар Ҷумҳурии Тоҷикистон Вираҷ Сингх барои тавсеаи ҳамкорӣ дар бахши низоми бонкӣ изҳори омодагӣ намуд.
Мусоҳибон ҳамзамон масъалаҳои мавриди таваҷҷуҳи тарафайнро баррасӣ намуда, барои тақвияти ҳамкории судманд омодагии худро иброз доштанд.
АКСҲО: Бонки миллии Тоҷикистон
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
ҚУРБИ АСЪОР: дар Тоҷикистон 1 евро аз 11.2607 то 11.3500 сомонӣ муқаррар шудааст
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
