ҲУШДОРИ АГЕНТИИ ОБУҲАВОШИНОСӢ: Дар Тоҷикистон хокбориш боқӣ монда, эҳтимоли лағжиши тарма ва омадани сел вуҷуд дорад
ДУШАНБЕ, 30.03.2022 /АМИТ «Ховар»/. Тибқи иттилои Агентии обуҳавошиносии мамлакат, 30 март дар ноҳияҳои ҷанубии вилояти Хатлон хокбориш боқӣ монда, дар навоҳии кӯҳии тобеи ҷумҳурӣ ва вилояти Суғд эҳтимоли лағжиши тарма вуҷуд дорад. Дар маҳалҳои ҷудогонаи роҳҳои кӯҳии ноҳияҳои тобеи марказ ва вилояти Хатлон хатари омадани сел ва резиши санг зиёд мебошад.
Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Дар робита ба ин ҳолат Кумитаи ҳолатҳои фавқулода ва мудофиаи гражданӣ ба самъи аҳолӣ мерасонад, ки аз чорвочаронӣ дар маҳалҳои хатарнок, рафтан ба соҳили рӯдхонаҳо барои моҳидорӣ ва шикор худдорӣ намоянд.
Ҳамчунин таъкид карда мешавад, ки ба хотири пешгирӣ аз хатари сел сари вақт ҷӯйборҳо ва каналҳои наздики хонаҳои худро аз ҳар гуна хасу хошоке, ки метавонанд сабаби воридшавии обу лой ба ҳавлиҳо шаванд, тоза намоянд.
Инчунин дар мавриди дарёфти хабар оид ба хатари тармаву сангрезӣ муваққатан аз сафарҳои нозарур худдорӣ намоянд.
АКС: КҲФ ва МГ
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
