Зарфияти сайёҳии кишварҳои Осиёи Марказӣ баррасӣ гардид

Март 14, 2022 08:59

ДУШАНБЕ,14.03.2022/АМИТ«Ховар»/. Дурнамои рушди ҳамкории минтақавӣ дар соҳаи сайёҳӣ бо мақсади тавсеаи минбаъдаи робитаҳои мутақобилан судманд дар даври навбатии мулоқоти  роҳбарони мақомоти сайёҳии кишварҳои Осиёи Марказӣ, ки дар шакли маҷозӣ доир гардид, баррасӣ шуд, иттилоъ доданд ба АМИТ «Ховар» дар  Кумитаи рушди сайёҳии назди Ҳукумати Ҷумҳурии Тоҷикистон.

Ба иштирокдорони мулоқот зарфияти сайёҳии кишварҳои Осиёи Марказӣ рӯнамоӣ гардид. Дар мулоқоти мазкур  муовини Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод иштирок намуда,  зикр кард, ки  барои Тоҷикистон рушди сайёҳӣ аҳамияти хосса дошта, ташкили инфрасохтори зарурии сайёҳӣ ва ба сатҳи байналмилалӣ баробар намудани он дар авлавияти сиёсати Ҳукумати Ҷумҳурии Тоҷикистон қарор гирифтааст.

-Имрӯз мавқеи Тоҷикистон зери ташаббусҳои байналмилалии Пешвои миллат муҳтарам Эмомалӣ Раҳмон дар баробари масъалаҳои муҳими глобалӣ дар соҳаи сайёҳӣ низ таҳким ёфта, кишвари мо дар раддабандиҳои глобалӣ сатҳу эътибори хосса пайдо карда истодааст,- афзуд ӯ.

Дар мулоқот ҳамчунин таъкид гардид, ки айни замон ҳамкорӣ байни ширкатҳои сайёҳии Тоҷикистон ва  кишварҳои Осиёи Марказӣ дар сатҳи зарурӣ ба роҳ монда шуда, хатсайрҳои минтақавӣ низ амалӣ гардида истодаанд. Ин омил имконият медиҳад, ки сайёҳони хориҷӣ зимни саёҳати худ ба кишварҳои Осиёи Марказӣ якбора аз чанд кишвари дорои пайроҳаи Шоҳроҳи Абрешим дидан намоянд.Яке аз занҷираҳои муҳим, ки дар меҳвари таваҷҷуҳи ҷаҳонгардони хориҷӣ қарор дорад, ин боздид аз хатсайри Шоҳроҳи Абрешими Осиёи Марказӣ мебошад. Шаҳрҳои қадима ва манзараҳои дилфиреби Осиёи Марказӣ, ки дар ин масири таърихии машҳур воқеанд, ҳамеша шумораи зиёди сайёҳонро ба худ ҷалб менамояд.

Дар мулоқот муовини Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод, муовини Вазири фарҳанги Туркманистон Нурсэхет Шаримов, Сардори Раёсати ҳамкориҳои байналмилалӣ ва ҷалби сармоягузории Кумитаи саноати сайёҳии Вазорати фарҳанг ва варзиши Ҷумҳурии Қазоқистон Мирас Тулебаев, сардори Раёсати муносибатҳои байналмилалӣ ва ҷалби грантҳои Вазорати сайёҳӣ ва варзиши Ҷумҳурии Ӯзбекистон Фирӯз  Додиев,, муовини директори Департаменти сайёҳии Вазорати фарҳанг, иттилоот, варзиш ва сиёсати ҷавонони Ҷумҳурии Қирғизистон Киялва Кенжематова ва роҳбарони ширкатҳои сайёҳии ватанӣ иштирок намуданд.

Ёдовар мешавем, ки мулоқоти якуми роҳбарони мақомоти сайёҳии кишварҳои Осиёи Марказӣ моҳи марти соли 2021 бо иштироки роҳбарону намояндагони мақомотҳои сайёҳии кишварҳои Осиёи Марказӣ ва ассотсиатсияву ташкилоти сайёҳии минтақа баргузор гардида буд.

 

АКСҲО: Кумитаи рушди сайёҳии назди Ҳукумати ҶТ

Март 14, 2022 08:59

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд