Завқӣ Завқизода: Рушди ҳамкории мутақобилан судманд бо кишварҳои хориҷӣ афзалияти аввалиндараҷа дорад
ДУШАНБЕ, 31.03.2022 /АМИТ «Ховар»/. Бо мақсади таъмин намудани намояндагиҳои дипломатӣ бо маълумоти мунтазам, инчунин муаррифии беҳтари имконияти тиҷоративу иқтисодии Тоҷикистон 30 март мулоқоти Вазири рушди иқтисод ва савдо Завқӣ Завқизода бо сафирони Ҷумҳурии Тоҷикистон дар кишварҳои хориҷӣ дар шакли видеоконфронс баргузор гардид.
Тавре дар Вазорати рушди иқтисод ва савдо ба АМИТ «Ховар» хабар доданд, зимни баргузории видеоконфронс З. Завқизода иброз намуд, ки рушди ҳамкории мутақобилан судманд бо кишварҳои хориҷӣ афзалияти аввалиндараҷа дошта, бо шарофати сиёсати оқилона ва дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муносибатҳои тиҷоративу иқтисодӣ бо кишварҳои хориҷӣ ба сатҳи сифатан нав баромадаанд.
Зимнан Вазири рушди иқтисод ва савдо З. Завқизода масъалаҳои муҳими ҷойдоштаи низоми тиҷорат ва иқтисоди кишвар, натиҷаҳои рушди иқтисоди Ҷумҳурии Тоҷикистон дар соли 2021 ва Нақшаи чорабиниҳо оид ба пешгирии таъсири хавфҳои эҳтимолӣ ба иқтисоди миллиро, ки бо қарори Ҳукумати Ҷумҳурии Тоҷикистон аз 18 марти соли 2022 тасдиқ гардидааст, тариқи рӯнамо муаррифӣ намуд.
Вазири рушди иқтисод ва савдо ҷиҳати боз ҳам тақвият бахшидан ба ҳамкории тиҷоративу иқтисодӣ барои пайгирӣ ва рушди ҳамкории минбаъда таклифҳои мушаххас манзур карда, ба саволҳои сафирони Ҷумҳурии Тоҷикистон дар кишварҳои хориҷӣ посухҳои дахлдор дод.
АКСҲО: Вазорати рушди иқтисод ва савдои ҶТ
Дар Тоҷикистон беш аз 2 миллион тонна ангишт истихроҷ гардидааст
Барномаи рушди соҳаи механиконии инноватсионии кишоварзӣ дар Ҷумҳурии Тоҷикистон баррасӣ гардид
Бонки миллии Тоҷикистон вазъи бозори дохилии асъор ва сиёсати қурбиро шарҳ дод
Раёсат дар Шурои иқтисодии Иттиҳоди Давлатҳои Мустақил дар соли 2025 ба ҷониби Тоҷикистон гузашт
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
