Ҳашарҳои дастҷамъонаю ташаббусҳои «Тозагии соҳил» шаҳри Хуҷандро боз ҳам муаттар менамоянд
ДУШАНБЕ, 10.04.2022. /АМИТ «Ховар»/. Бо мақсади сабзу хуррамгардонӣ ва тозаю озода намудани муҳити атроф ҳар ҳафта аз ҷониби шуъбаи ҳифзи муҳити зисти шаҳри Хуҷанд чорабиниҳои тарғиботиву амалисозӣ, ҳашарҳои дастҷамъонаю ташаббусҳои гуногуни «Тозагии соҳил» баргузор гардида, ба зебоии шаҳри Хуҷанд ҳусни дигар зам менамоянд.
Тавре дар хадамоти матбуоти Раиси шаҳри Хуҷанд хабар доданд, аз ҷониби мақомоти ҳифзи муҳити зисти шаҳри Хуҷанд ташаббуси «Тозагии соҳил» амалӣ карда шуда, қамишзори дохили дарё ва канори он, алафҳои худрўйи соҳил, партовҳои истеъмолии пластикию полиэтиленӣ пурра тоза карда шуданд.
Дар шароите, ки ҷаҳонро пандемияи бемории сироятии коронавирус фаро гирифтааст, чунин иқдом боиси пешгирӣ аз пайдоиши ҳама гуна бемориҳои сироятӣ мегардад.
Бояд шаҳрвандон дарк намоянд, ки дар ҳама ҳолат муҳимтарин вазифаи инсоният- ин ҳифзи муҳити зист ба ҳисоб меравад, зеро мо ҳамарўза аз ҳавои тоза нафас мекашем, ҳавои ғализ ва чиркин ба саломатии мо хавф эҷод намуда, ба бемориҳои гуногун оварда мерасонад.
Тозагию нафосат, поку озода намудани маҳали зист ва назди соҳил, тарғиби тарзи ҳаёти солим ва ободу хуррамгардонии диёр яке аз анъанаҳои қадимии аҷдодони шаҳри Хуҷанд ба ҳисоб рафта, он бояд дар оянда низ идома ёбад. Зеро маъруфияти «Тирози ҷаҳон» аз зебоӣ, пуртароват ва мунавар будани ин шаҳри бостонӣ аз қадимулайём сарчашма гирифта, мояи ифтихор ва сарфарозии ҳар сокини он аст.
Дар робита ба чунин ташаббусҳо дар дигар минтақаҳои шаҳр низ корҳои сабзкорӣ ҷараён мегиранд.
АКСҲО: Дафтари матбуоти Раиси шаҳри Хуҷанд
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
