«БО ҶАНГ БОЗӢ НАКУНЕД!». Содир Жапаров ба рӯзноманигорон ва блогнависони Қирғизистон ҳамин гуна муроҷиат намуд
ДУШАНБЕ, 14.04.2022 /АМИТ «Ховар»/. Президенти Қирғизистон Содир Жапаров дар Facebook вазъият дар манотиқи марзии кишварро, ки дар он ҷо гоҳ-гоҳ ҳолатҳои низоӣ рух медиҳанд, шарҳ дод. Дар ин бора хабаргузории давлатии «Кабар» иттилоъ додааст.
Жапаров аз он оғоз намуд, ки кишвар аз роҳи демократӣ намебарояд ва озодии баён, ҳуқуқи башар, бешубҳа, ҳифз ва риоя хоҳанд шуд.
«Аммо ман аз рӯзноманигорон ва онҳое, ки худро блогнавис меҳисобанд, як чизро хоҳиш дорам, — гуфт ӯ. — Вақте сухан дар бораи масъалаҳои ихтилофангез бо давлатҳои ҳамсоя меравад, ба худ иҷозат надиҳед, ки маводи гуногуни видео ва аксҳоеро, ки иттилоотро таҳриф мекунанд, паҳн намоед <…>. Ин ба меъёрҳои одобу ахлоқ мувофиқат намекунад. Бо ин ҳама шумо вазъиятро тезу тунд гардонида, миёни мардумон <…> иғво меангезед».
Маълум аст, ки сарвари Қирғизистон ҳодисаҳоеро, ки вақтҳои охир дар марз бо Тоҷикистон ва Узбекистон ба амал омаданд, дар назар дорад.
«Бале, мушкили сарҳад вуҷуд дорад. Мушкилие, ки тӯли 30 сол боз ҳал намешавад, эҳтиёткорӣ ва дурандешии ҷиддӣ талаб мекунад. Гуфтушунидҳо давом доранд, — гуфт Жапаров, —Масоҳати зиёди берун аз рӯйхатмонда мавҷуд аст. Ин вақт талаб мекунад».
Ӯ ваъда дод, ки то анҷоми давраи президентиаш ин масъаларо ҳал хоҳад кард. Ёдовар мешавем, ки ӯ аз моҳи январи соли 2021 президенти Қирғизистон аст. Тибқи қонунгузории ин кишвар, президент ба муҳлати 5 сол интихоб мешавад.
«Биёед зери пардаи озодии баён паҳн кардани маълумоти бардурӯғро бас кунем. Бо ҷанг бозӣ накунед. Бигузор Худо мардуми моро аз ҷанг нигоҳ дорад», — муроҷиат намуд президенти Қирғизистон.
Тавре АМИТ «Ховар» қаблан хабар дод, 13 апрел Вазири корҳои хориҷии Тоҷикистон Сироҷиддин Муҳриддин бо Вазири корҳои хориҷии Қирғизистон Руслан Казакбоев гуфтугӯи телефонӣ анҷом дод.
Вазирони корҳои хориҷӣ ҳодисаи 12 апрел дар маҳали Хистеварзи ноҳияи Бобоҷон Ғафурови вилояти Суғди Тоҷикистон рухдодаро, ки дар натиҷаи он талафот низ ба амал омад, баррасӣ карданд.
С. Муҳриддин амали марзбонони қирғизро маҳкум намуда, тақозо кард, ки аз рӯи ҳодисаи мазкур тафтиши воқеӣ бурда шуда, гунаҳкорон ба ҷавобгарӣ кашида шаванд.
АКС аз манбаъҳои боз
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
