Дар Хуҷанд донишҷӯёни Бӯстонро ба аз худ кардани забонҳои хориҷӣ ва технологияи мултимедӣ ташвиқ карданд

Апрель 9, 2022 10:47

ДУШАНБЕ, 09.04.2022. /АМИТ «Ховар»/. Дар Қасри ҷавонони ба номи Лоиқ Шералии шаҳри Хуҷанд вохӯрии  иҷрокунандаи вазифаи раиси шаҳри Бӯстон Мавсума Муинӣ бо донишҷӯёни шаҳри Бӯстон, ки дар муассисаи таҳсилоти олӣ ва миёнаи касбии вилояти Суғд таҳсил мекунанд, баргузор гардид, хабар доданд ба АМИТ «Ховар» дар мақомоти иҷроияи ҳокимияти давлатии шаҳри Бӯстон.

Раиси шаҳри Бӯстон Мавсума Муинӣ изҳор намуд, ки соҳаи маорифи Ҷумҳурии Тоҷикистон давоми 30 соли Истиқлоли давлатӣ ба пешравиҳои зиёде ноил гардида, ба соҳаи афзалиятноки сиёсати давлатӣ табдил ёфт. Сохтани мактабҳои нав, ғанӣ гаштани пояи моддӣ-техникии таълиму тарбия, афзудани шумораи мактабҳои шакли нав, таҳия ва нашри нақшаю барномаҳои таълимӣ ва китобҳои дарсӣ, коркарди стандартҳои нав дар ҳамаи зинаҳои таҳсилот, густариши фазои иттилоотӣ ва ба фазои таҳсилоти байналмиллалӣ ворид шудани низоми таҳсилоти миллӣ, баланд бардоштани сифати таълиму тарбия падидаҳои неки Истиқлоли давлатии Ҷумҳурии Тоҷикистон мебошанд.

Гуфта шуд, ки бо мақсади ҳавасмандгардонии хонандагону донишҷӯён аз 1 январи соли 2021 шумораи гирандагони спидентияи Президенти Ҷумҳурии Тоҷикистон миёни хонандагони муассисаҳои таҳсилоти миёнаи умумӣ аз 400 ба 3000 адад ва барои донишҷӯёни муассисаҳои таҳсилоти олии касбӣ аз 100 ба 500 адад боло бурда шуд, ки нишони баланди қадрдониву ҳавасмандгардонии ҷавонон аз ҷониби Пешвои ҷавонпарвари мо мебошад.


Мавсума Муинӣ ба донишҷӯён дар илмомӯзӣ ва фаъолияташон барору комёбӣ орзу карда, онҳоро даъват кард, ки чун ҷавонони бонангу номуси шаҳри Бӯстон бо истифода аз шароити муосири  арзанда дар рӯҳияи худшиносиву худогоҳӣ ва ватандӯстиву ватанпарастӣ фаъолият намуда, донандагони таърих, забонҳои хориҷӣ ва технологияи мултимедӣ бошанд, то дар пешрафт ва ободии Тоҷикистон саҳми босазо гузоранд.

Дар хатми мулоқот ба як гурӯҳ донишҷӯёни фаъоли шаҳри Бӯстон, ки шашмоҳаи  аввали соли таҳсили 2021-2022-ро бо баҳои хубу аъло ҷамъбаст намудаанд, туҳфаҳои хотиравии мақомоти иҷроияи ҳокимияти давлатии шаҳри Бӯстон супорида шуд.

АКСҲО: мақомоти иҷроияи ҳокимияти давлатии шаҳри Бӯстон

Апрель 9, 2022 10:47

Хабарҳои дигари ин бахш

Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид