Дар Коллеҷи тиббии Ваҳдат даври шаҳрии озмуни «Фурӯғи субҳи доноӣ китоб аст» ҷараён дорад
ВАҲДАТ, 26.04.2022 /АМИТ«Ховар»/. Дар Коллеҷи тиббии шаҳри Ваҳдат бо иштироки донишҷӯёни болаёқат ва аъзои ҳакамон даври шаҳрии озмуни «Фурӯғи субҳи доноӣ китоб аст» ҷараён дорад, хабар додааст мухбири минтақавии АМИТ «Ховар» Субҳониддини МАҲМУД.
Директори Коллеҷи тиббии шаҳри Ваҳдат Бобохон Чилазода иброз намуд, ки «дар даври муассисавии озмун зиёда аз 220 нафар довталаб иштирок намуданд, ки аз онҳо барои гирифтани роҳхат ба даври шаҳрӣ 80 нафар донишҷӯи болаёқат ҳоло рақобат доранд».
Озмуни ҷумҳуриявии «Фурӯғи субҳи доноӣ китоб аст» ҳамасола дар Коллеҷи тиббии шаҳри Ваҳдат дар сатҳи баланди ташкилӣ доир мешавад. Ду нафар донишҷӯи коллеҷи мазкур дар сатҳи ҷумҳурӣ сазовори ҷойҳои якум ва сеюм гардида, бо маблағҳои 35 ва 20 ҳазор сомонӣ қадрдонӣ шуданд. Ин пешравиҳоро дида, ҳоло фарогирии бештар ба мутолиаи асарҳои хонданӣ, боло рафтани сифати омӯзишу омодагии довталабон, муносибати ҷиддии масъулин ва устодону волидайни иштирокдорон ба ин озмун мушоҳида мегардад.
Тибқи иттилои масъулини Коллеҷи тиббии шаҳри Ваҳдат, соли сипаригардида устодону ғолибони озмун бо маблағи умумии 25 ҳазор сомонӣ қадрдонӣ гардиданд. Ин ҳавасмангардонӣ сабаб гардидааст, ки сафи иштирокчиёни озмуни «Фурӯғи субҳи доноӣ китоб аст» дар коллеҷи мазкур зиёд гардад ва мутолиаи китобҳо миёни муҳассилин зиёд шавад.
Хушбахтона, Коллеҷи тиббии шаҳри Ваҳдат дорои китобхонаи замонавӣ ва китобхонаи электронӣ мебошад, ки донишҷӯён- иштирокчиёни озмун метавонанд дилхоҳ китобро дастрас намуда, мутолиа намоянд.
Моҳи апрели соли равон дар муассисаҳои таълимии шаҳри Ваҳдат даври якуми Озмуни ҷумҳуриявии «Фурӯғи субҳи доноӣ китоб аст» баргузор шуд, ки дар натиҷаи рақобати шаффоф 407 нафар хонанда ба даври шаҳрӣ роҳхат гирифтанд. Дар даври шаҳрӣ аз 407 нафар дар номинаи адабиёти бачагона 236 нафар, номинаи адабиёти классикӣ 96 нафар, номинаи адабиёти муосир 72 нафар, номинаи адабиёти ҷаҳон 2 нафар ва номинаи эҷоди назму наср як нафар дар назди аъзои ҳакамон бо ҳам рақобат доранд.
Иштирокчиёни Озмуни ҷумҳуриявии «Фурӯғи субҳи доноӣ китоб аст» дар шаҳри Ваҳдат бештар наврасон мебошанд. Озмуни мазкур дар баланд бардоштани завқи китобхонии наврасон, ғанӣ гардонидани захираи луғавӣ, тақвияти ҳофиза ва суханвару сухандон гардидани онҳо нақши назаррас мегузорад.
АКС: АМИТ «Ховар»
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
