Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
ШАҲРИНАВ, 25.04.2022 /АМИТ «Ховар»/. Бо ибтикори Агентии меҳнат ва шуғли аҳолӣ дар ноҳияи Шаҳринав ва дастгирии мақомоти иҷроияи ҳокимияти давлатии ноҳия ярмаркаи ҷойҳои нави корӣ ва вазифаҳои озод баргузор гардид, ки дар он 10 корхонаю ташкилоти ноҳия зиёда аз 100 ҷойи нави кор пешниҳод намуданд. Дар ярмаркаи мазкур 30 нафар корҷӯён ба корҳои ҷамъиятии мавсимӣ қабул гардида, 15 нафар бонувону духтарони хонанишин ба касбомӯзӣ номнавис шуданд ва 9 нафар ба ҷойи кори доимӣ роҳхат гирифтанд, хабар доданд ба мухбири минтақавии АМИТ «Ховар» Субҳониддини МАҲМУД дар мақомоти иҷроияи ҳокимияти давлатии ноҳия.
Роҳандозии ярмаркаи мазкур ҷиҳати иҷрои дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ба шуғл ва саросар ба касбомӯзӣ фаро гирифтани шаҳрвандон равона гардидааст.
Дар ноҳияи Шаҳринав барои бо ҷойи кори мавсимӣ ва доимӣ таъмин намудани шаҳрвандони бекор чунин ярмаркаҳо пайваста гузаронида мешаванд. Хурсандиовар аст, ки бо омадани мавсими кишт ва ҷамъоварии ҳосил қисми зиёди шаҳрвандони бекор дар хоҷагиҳои деҳқонӣ ба корҳои мавсимӣ ҷалб мегарданд. Маблағи якрӯзаи кори онҳо аз ин ҳисоб аз 50 то 60 сомонӣ мебошад.
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
