Дар Спитамен ҷаласаи аввалини ситоди корӣ оид ба таҷлили ҷашни 35-солагии Истиқлолияти давлатии Тоҷикистон доир шуд

Апрель 6, 2022 11:17

ДУШАНБЕ, 06.04.2022 /АМИТ «Ховар»/. 4 апрел дар мақомоти иҷроияи ҳокимияти давлатии ноҳияи Спитамен ҷиҳати  таҷлили сазовори 35-солагии Истиқлоли давлатии Ҷумҳурии Тоҷикистон ҷаласаи аввалини ситоди корӣ бо иштироки аъзои гурӯҳи кории мақомоти иҷроияи ҳокимияти давлатии ноҳия баргузор гардид.

Тавре ба АМИТ «Ховар» дар Суди Олии иқтисодии Ҷумҳурии Тоҷикистон хабар доданд, дар ҷаласаи ситоди корӣ намояндаи Ҳукумати Ҷумҳурии Тоҷикистон, Раиси Суди Олии иқтисодии Ҷумҳурии Тоҷикистон Мавлуда Қаландарзода,  муовини якум ва муовинони раиси ноҳия, роҳбари дастгоҳи раиси ноҳия, роҳбарони мақомоти ҳифзи ҳуқуқ, роҳбарони воҳидҳои сохтории мақомоти иҷроияи ҳокимияти давлатии ноҳия, роҳбарони ташкилоту идораҳо, раисони ҷамоатҳои шаҳраку деҳот, аъзои гурӯҳи кории ҷамоатҳо, соҳибкорон, имомхатибон, роҳбарони муассисаҳои маориф, раисони кумитаи маҳаллаҳо ва дигар шахсони масъул иштирок доштанд.

Дар ҷаласа масъалаҳои ҷараёни иҷрои нақшаи андоз дар семоҳаи якуми соли ҷорӣ ва омодагии соҳаҳои иқтисодиёт ва саноат ба ҷамъбасти семоҳаи якум, иҷрои дурнамои кишти пунбадона дар  хоҷагиҳои кишоварзӣ, вусъат додани корҳои саҳроӣ, омодагӣ ба таҷлили ҷашни 35-солагии Истиқлолияти давлатии Ҷумҳурии Тоҷикистон дар ноҳия ва муаррифии аъзои гурӯҳи кории ҷамоатҳои шаҳраку деҳоти ноҳия баррасӣ гардиданд.

Зикр гардид, ки бо мақсади таҳкими Истиқлолияти давлатии Ҷумҳурии Тоҷикистон, ҳифзу густариши арзишҳои фарҳанги миллӣ ва таъмини рушди босуботи ҷомеа Фармони Президенти Ҷумҳурии Тоҷикистон аз 7 январи соли 2022 «Дар бораи ҷашн гирифтани 35 – солагии Истиқлоли давлатии Ҷумҳурии Тоҷикистон» ба имзо расид. Дар ин раванд мақомоти иҷроияи ҳокимияти давлатии ноҳияи Спитамен баргузории корҳои омодагиро ба нақша гирифтааст.

Зимни ҷаласаи ситоди корӣ масъалаҳои вусъат додани корҳои ободониву созандагӣ ба муносибати ин ҷашни миллӣ бо ҷалби аҳли ҷомеа, махсусан соҳибкорону шахсони саховатманд, ҳамчунин тибқи барқияи ҳукуматӣ расонидани муҳтавои Паёми Пешвои миллат, даъвати ҷавонон ба хизмати ҳарбӣ, истифодаи сарфакоронаи неруи барқ, истифодаи оқилонаи ҳар ваҷаб замин, вусъат додани корҳои ниҳолшинонӣ, таҳлили вазъи муассисаҳои соҳаи маориф, тандурустӣ ва фарҳанг низ мавриди баррасӣ қарор гирифтанд.

Баъди анҷоми ҷаласаи ситоди корӣ намояндаи Ҳукумати Ҷумҳурии Тоҷикистон, Раиси Суди Олии иқтисодии Ҷумҳурии Тоҷикистон Мавлуда Қаландарзода ва Раиси ноҳияи Спитамен Темурҷон Нуъмонзода аз якчанд иншооти ноҳияи Спитамен дидан намуданд. Ин ташаббус ҷиҳати таҳким бахшидани корҳои созандагиву бунёдкорӣ баҳри таҷлили сазовори 35-умин солгарди Истиқлоли давлатии Ҷумҳурии Тоҷикистон роҳандозӣ гардид.

Мавлуда Қаландарзода ба масъулин ҷиҳати сифатнок ба роҳ мондани корҳои сохтмонӣ ва вусъати корҳои созандагиву бунёдкорӣ дар доираи нақшаи чорабиниҳо оид ба таҷлили 35-солагии истиқлоли давлатӣ дастуру маслиҳатҳои муфид дод.

Масъулин муваззаф шуданд, ки иншооти ҷашниро дар муҳлати муайяншуда бо сифати баланд ва ҷавобгӯ ба талаботи муосир бунёд намуда, корҳои созандагиро таҳким бахшанд.

АКСҲО: Суди Олии иқтисодии ҶТ

Апрель 6, 2022 11:17

Хабарҳои дигари ин бахш

Дар Бишкек тавсеаи ҳамкории иқтисодӣ байни Тоҷикистон ва Қирғизистон баррасӣ гардид
Лоиҳаи фармоиши Ҳукумати Ҷумҳурии Тоҷикистон оид ба таҳияи дурнамои нишондиҳандаҳои асосии макроиқтисодӣ баррасӣ шуд
Дар маҳаллаи «Сабзазор»-и пойтахт беш аз 1 км роҳи дохили маҳалла мумфарш карда шуд
Дар Хуҷанд Маҷмааи бисёрошёнаи «Темурмалик» бунёд карда мешавад
78 хоҷагии минтақаи манзилии №4-и шаҳри Норак бо оби нӯшокӣ таъмин гардид
Дар Муъминобод бахшида ба 34-солагии Истиқлолияти давлатии Ҷумҳурии Тоҷикистон ҳамоиши илмӣ-фарҳангӣ баргузор шуд
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Беш аз 5 километр роҳҳои дохилии маҳаллаи «40-солагии Дилварзин» мумфарш карда мешаванд
ИСТИҚЛОЛИЯТ — ФАЙЗУ БАРАКАТ ВА НУРУ ЗИЁ БА ХОНАДОНИ ҲАР ФАРДИ ТОҶИКИСТОН. Андешаҳои Пешвои миллат доир ба истиқлоли тоҷикон
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд