ДАРОЗУМРӢ АФЗОИШ МЕЁБАД. Дар Тоҷикистон шумораи нафақахӯрон давоми панҷ сол 13,5 фоиз зиёд шудааст

Апрель 7, 2022 12:25

ДУШАНБЕ, 07.04.2022 /АМИТ «Ховар»/. Дар Тоҷикистон шумораи нафақахӯрон зиёд шудааст. Дар ҷумҳурӣ дар аввали соли 2022 афзоиши назарраси шумораи шаҳрвандоне, ки ба синни нафақа расидаанд, ба қайд гирифта шуд. Тавре АМИТ «Ховар» иттилоъ медиҳад, дар ин бора Sputnik бо истинод ба муовини Вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллозода хабар додааст.

Ба гуфтаи ӯ, то моҳи январи соли 2022 шумораи умумии нафақахӯрон дар ҷумҳурӣ ба 749,8 ҳазор нафар расидааст. Афзоиши шумораи шахсоне, ки давоми 5 сол ба синни нафақа расидаанд, 13,5 фоизро ташкил дод.

«Ба сари ҳар нафақахӯр 3,4 шаҳрванди бо кор таъмин ва 1,7 нафар кироякор рост меояд», — гуфт Маҳмадуллозода.

Ҳамин тариқ, синни миёнаи сокинони ҷумҳурӣ тадриҷан меафзояд ва давоми 10 соли охир 1,7 сол афзудааст — аз 25 ба 26,7 расидааст, яъне тамоюли афзоиши аҳолӣ мушоҳида мешавад.

Тавре АМИТ «Ховар» қаблан хабар дод, дар 30 соли охир шумораи аҳолии Тоҷикистон аз 5,5 миллион нафар ба 9,8 миллион нафар расидааст, яъне 1,8 баробар афзуда, соли 2022 ба 10 миллион нафар мерасад. Ба гуфтаи ходими калони илмии шуъбаи геронтология ва ҳифзи иҷтимоии пиронсолони Муассисаи давлатии «Институти илмию тадқиқотии экспертизаи тиббию иҷтимоӣ ва тавонбахшии маъюбон», саргеронтологи Вазорати тандурустӣ ва ҳифзи иҷтимоии аҳолии ҷумҳурӣ, узви Шӯрои ҷамъиятии Ҷумҳурии Тоҷикистон, номзади илмҳои тиб Саодат Камолова, 1 январи соли 2021 шумораи аҳолии Тоҷикистон 9 миллиону 126 ҳазор нафар, аз ҷумла 610,300 нафари аз 60-сола болоро (6,69 фоиз) ташкил медод.

«Давомнокии умр дар Тоҷикистон меафзояд, ки ин хуб аст, — мегӯяд С.Камолова. Ин нишондиҳандаи болоравии сатҳи зиндагии мардум низ ҳаст». Саргеронтологи Тоҷикистон бо истинод ба маълумоти тадқиқоти Созмони Милали Муттаҳид сабабҳои дигари эҳтимолии зиёд шудани умри инсонро номбар кард: рушди иқтисодӣ; кам кардани фавти кӯдакон; кам шудани фавт миёни аҳолии қобили меҳнат; кам кардани истеъмоли машрубот ва тамоку; «инқилоби дилу рагҳо» (муборизаи бомуваффақият бар зидди бемориҳои дил ва рагҳои хунгард, аз ҷумла сактаи майнаи сар); кам кардани шумораи куштор ва худкушӣ.

Ёдовар мешавем, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 21 декабри соли 2021 зимни суханронӣ дар Маҷлиси Олӣ дар бораи афзоиши нафақа, кумакпулӣ ва маош, аз ҷумла ҳадди ақали музди меҳнат хабар доданд. Онҳо аз 1 июли соли 2022 афзоиш меёбанд. 13 январи соли равон Сарвари давлат фармони дахлдоре ба имзо расонд, ки ба кормандони идораи давлатӣ ва ҷамъиятӣ, маориф, фарҳанг, варзиш, тандурустӣ, ҳифзи иҷтимоӣ ва дигар ташкилоти буҷетӣ дахл дорад.

АКС аз бойгонии АМИТ «Ховар»

Апрель 7, 2022 12:25

Хабарҳои дигари ин бахш

ИМРӮЗ ВЛАДИМИР ПУТИН БО САФАРИ КОРӢ БА ТОҶИКИСТОН МЕОЯД. Ӯ бо Пешвои миллат Эмомалӣ Раҳмон мулоқот анҷом медиҳад
ПРЕЗИДЕНТ СУПОРИШ ДОДАНД: ТАТБИҚИ БАРНОМАҲО ОИД БА РУШДИ ВМКБ ТАЪМИН КАРДА ШАВАД. Дар минтақаи аз ҷиҳати ҳудуд калонтарини Тоҷикистон тараққиёти босуръати соҳаҳо пешбинӣ мешавад
«Пояндаву абадӣ бод Ваҳдати миллии мо!»,- бардошт аз тантанаҳои идона дар вазорату идораҳо ва дигар мақомоти Тоҷикистон
Пешвои миллат Эмомалӣ Раҳмон: Таҷрибаи сулҳи тоҷикон ҳамчун сабақи омӯзандаи таърихӣ ва нодир аз ҷониби ҷомеаи ҷаҳонӣ эътироф гардид
Президенти мамлакат мардуми Тоҷикистонро ба он даъват намуданд, ки ҳамеша дар фикри ҳимояи сулҳу оромӣ ва суботи сиёсӣ бошанд
Раиси Кумитаи телевизион ва радио Нуриддин Саид: «Ҳаракати ваҳдати миллӣ ва эҳёи Тоҷикистон ба муттаҳидию ҳамраъйии мардум мусоидат кард»
Сарвари давлат Эмомалӣ Раҳмон омили расидан ба сулҳу оромӣ, суботи сиёсӣ ва ваҳдати миллӣ дар Тоҷикистонро номбар карданд
«ДАР ДУНЁ ҲЕҶ НЕРУЕ БУЗУРГТАР АЗ ҚУВВАИ ВАҲДАТ НЕСТ!». Чунин иброз медорад мудири бахши САҲШ-и ноҳияи Шоҳмансур Зебинисо Султонова
ҚУВВАИ МО ДАР САРҶАМЪИСТ. Мулоҳизаҳои сардори Хадамоти иҷро Барно Саидвализода дар пешорӯи Рӯзи Ваҳдати миллӣ
ЭМОМАЛӢ РАҲМОН ВА АҲАМИЯТИ МИЛЛИВУ БАЙНАЛМИЛАЛИИ СУЛҲИ ТОҶИКОН. Мулоҳизаҳои доктори илмҳои ҳуқуқшиносӣ, профессор Эмомалӣ Насриддинзода
«ДӮСТ БОШЕД, ИТТИФОҚ БОШЕД…». Ин даъвати Пешвои миллат барои мо мисли зангӯлаи бедориву ҳушёрист, мегӯяд муовини Раиси ноҳияи Исмоили Сомонии пойтахт Наргис Шарифзода
БОРИ АВВАЛ ДАР 30 СОЛ! Ид дар перрон: дирӯз қатораи мусофирбар аз Душанбе ба Тошканд раҳсипор шуд