Миёни ширкатҳои истеҳсолии вилоятҳои Суғд ва Липетск 17 созишномаи ҳамкорӣ ба имзо расид

Апрель 13, 2022 10:33

ДУШАНБЕ, 13.04.2022 /АМИТ «Ховар»/. 12 апрел маросими имзои созишномаҳои ҳамкорӣ миёни вилоятҳои Суғди Ҷумҳурии Тоҷикистон ва Липетски Федератсияи Русия баргузор гардида, дар маҷмӯъ 17 созишнома ба имзо расонида шуд, хабар доданд дар Хадамоти матбуоти Раиси вилояти Суғд ба АМИТ «Ховар».

Маросими имзои созишномаҳои нави ҳамкорӣ бо ҳузури муовини Раиси вилояти Суғд Анвар Яъқубӣ ва Президенти Палатаи савдо ва саноати вилояти Липетск Анатолий Голтсов доир гардид. Ҷонибҳо оид ба содироти меваю сабзавот ва хушкмева, ташкили сафари аҳли фарҳангу маданияти вилояти Липетск ба вилояти Суғд, ба роҳ мондани саёҳати сокинони вилояти Липетск ба вилояти Суғд, ташкили «Хонаи савдо»-и вилояти Суғд дар вилояти Липетск ва ҳамкорӣ дар бахши таҳсилоти олӣ меморандуми ҳамкорӣ ба имзо расониданд.

Ҳамзамон миёни Палатаи савдо ва саноати вилояти Суғд ва Палатаи савдо ва саноати вилояти Липетск, ширкатҳои «Нуртекс» ва «Маркази содиротии вилояти Липетск», «Оби Зулол» ва «Маркази содиротии вилояти Липетск», «Само» ва «ИнтерЭкоТехнологии», Палатаи савдо ва саноати вилояти Суғд ва «ЛипетскКомплексСтрой», «ЛипетскКомплексСтрой» ва «Хорои Хуҷанд», «ЛипетскКомплексСтрой» ва «Нуртекс», «ЛипетскКомплексСтрой» ва «Силкоат Бойя», «Евро Агро» ва филиали «Хантана Канада Инк» дар вилояти Суғд, «Евро Агро» ва «Сомон кристалл» созишномаҳои ҳамкорӣ имзо гардиданд.

АКС: Хадамоти матбуоти Раиси вилояти Суғд

Апрель 13, 2022 10:33

Хабарҳои дигари ин бахш

Барои истифодаи сарфакоронаи неруи барқ дар шаҳру навоҳии тобеи ҷумҳурӣ корҳои фаҳмондадиҳӣ мегузаронанд
Дар Боку Форуми байналмилалӣ доир ба рушди омор оғоз гардид
ҲАҶМИ ИСТЕҲСОЛИ ГӮШТ ДАР ТОҶИКИСТОН 10 ФОИЗ ЗИЁД ГАРДИД. Чаро нархи гӯшт дар бозори истеъмолӣ пайваста боло меравад?
Ҷаласаи нуздаҳуми Кумитаи ҳамоҳангсоз оид ба содагардонии расмиёти савдо баргузор гардид
Дар Тоҷикистон ба соҳаи сохтмон зиёда аз 16 миллиард сомонӣ сармоягузорӣ равона карда шудааст
Тоҷикистон ва Барномаи рушди СММ ҳамкориро дар самти муқовимат ба коррупсия густариш медиҳанд
Ҳоким Холиқзода бо Вазири меҳнат ва таъминоти иҷтимоии Ҷумҳурии Туркия Ведат Ишикхан мулоқот намуд
Ангури Тоҷикистон дар вилояти Пензаи Русия талабгорони зиёд пайдо намуд
Масъалаи иштироки Тоҷикистон дар ташаббусҳои марбут ба иқлим ва саломатӣ баррасӣ шуд
Ба кормандони соҳаи барқи пойтахт 5 мошини барқӣ тақдим карда шуд
Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд