Президенти Тоҷикистон чӣ гуна роҳ надодан ба болоравии нархи маҳсулотро фаҳмонданд
ДУШАНБЕ, 18.04.2022 /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон фаҳмонданд, ки баҳри ҳифзи амнияти озуқаворӣ дар ин замони барои ҷаҳон душвор чӣ бояд кард. Дар ин бора Пешвои миллат дар доираи сафари корӣ ба вилояти Суғд зимни мулоқот бо сокинони ноҳияи Ашт изҳори назар намуданд.
Сарвари давлат аз буҳрони ҷаҳонӣ ёдовар шуда, гуфтанд, ки барои бартарафсозии он кадом тадбирҳоро бояд андешид. Ба гуфтаи Президенти Тоҷикистон, дар саросари ҷаҳон болоравии нархи ҳама гуна молу маҳсулот, сӯзишворӣ, хизматрасониҳо ва муҳимтар аз ҳама, маҳсулоти хӯрокворӣ мушоҳида мешавад.
«Мо бояд тамоми захираву имконияти худро барои истеҳсоли маҳсулот, захира кардани маводи ғизоӣ ва ҳифзи амнияти озуқаворӣ сафарбар намоем»,-изҳор доштанд Сарвари давлат.
Пешвои миллат вазъи кунунии ҷаҳонро бисёр муташанниҷ унвон намуданд.
Давраи пандемияи КОВИД–19-ро ба хотир оварда, Президенти Тоҷикистон иброз намуданд, ки дар лаҳзаҳои душвору вазнин ҳамаи кишварҳо, ҳатто қудратҳои ҷаҳонӣ танҳо дар фикри худ мешаванд ва ба ҷорӣ кардани монеаву маҳдудиятҳо даст мезананд.
Сарвари давлат изҳор намуданд, ки ба болоравии нархҳо дар бозорҳо набояд роҳ дод.
«Мо ҳаргиз набояд ба умеди дигарон бошем, баръакс, нисбат ба ҳар вақти дигар сарҷамъу муттаҳид гардида, кор кунем, заҳмат кашем, ҳарчи бештар маҳсулот истеҳсол кунем ва нагузорем, ки халқамон аз камчинии маводи ғизоӣ ва болоравии нархҳо, хусусан дар мавсими тирамоҳу зимистони дарпешистода муҳтоҷӣ ва азияту танқисӣ кашанд», — зикр намуданд Президенти Тоҷикистон.
Эмомалӣ Раҳмон изҳори умедворӣ намуданд, ки мардуми сарбаланду заҳматқарини ноҳияи Ашт анъанаҳои фарзандони номдор ва содиқ ба Ватан ва халқи Тоҷикистонро идома бахшида, минбаъд низ ба хотири рушди давлати соҳибистиқлоли тоҷикон ва ободии Ватан саъю талош менамоянд ва ба хотири истиқболи сазовори ҷашни бузурги 35 – солагии истиқлоли давлатии кишвари маҳбубамон аҳлона заҳмат кашида, ба дастовардҳои боз ҳам бештари иқтисодиву иҷтимоӣ ноил мегарданд.
Қаблан, зимни ироаи Паёми шодбошӣ ба муносибати фарорасии моҳи шарифи Рамазон, Президенти Тоҷикистон Эмомалӣ Раҳмон изҳор доштанд, ки ҳолати бамиёномада ба вазъияти иқтисодиву иҷтимоии қариб ҳамаи давлатҳои ҷаҳон, аз ҷумла Тоҷикистони мо таъсири ҷиддӣ расонида истодааст.
АКС: Хадамоти матбуоти Президенти ҶТ/ АМИТ «Ховар»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
