Ҳамкории Тоҷикистон бо Ташкилоти умумиҷаҳонии тандурустӣ дар бахши Кумаки аввалияи тиббию санитарӣ густариш меёбад
ДУШАНБЕ, 28.05.2022 /АМИТ «Ховар»/. Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва роҳбари Намояндагии Ташкилоти умумиҷаҳонии тандурустӣ дар Ҷумҳурии Тоҷикистон Виктор Олшавский ба Изҳороти муштараки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва шарикон оид ба рушд ҷиҳати тақвияти Кумаки аввалияи тиббию санитарӣ (КАТС) дар Ҷумҳурии Тоҷикистон имзо гузоштанд, ки дар он афзалият ва роҳҳои таҳкими минбаъдаи КАТС дар Тоҷикистон баён шудаанд, хабар медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолӣ.
26 май Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо роҳбари Дафтари Бюрои минтақавии ТУТ дар шаҳри Алмаатои Ҷумҳурии Қазоқистон хонум Мелита Якаб мулоқот анҷом дод, ки дар он муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, роҳбари Намояндагии ТУТ дар Ҷумҳурии Тоҷикистон Виктор Олшавский, сардорон ва мудирони шуъбаҳои дахлдори вазорат иштирок намуданд.
Иттилоъ дода шуд, ки аз соли 2010 Ҷумҳурии Тоҷикистон модели кумаки аввалияи тиббиро дар асоси равиши тибби оилавӣ қабул ва давоми даҳ соли охир барои рушд ва таҳкими ин соҳа таваҷҷуҳи махсус зоҳир намуд. Дар айни замон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Нақшаи рушди КАТС дар заминаи тибби оилавӣ барои солҳои 2021-2025 амалӣ шуда истодааст, ки дар он масъалаҳои ҷорӣ ва афзалиятноки рушди соҳа инъикос ёфтаанд.
Дар фарҷоми мулоқот ҷонибҳо ҷиҳати густариши ҳамкорӣ дар самтҳои гуногуни соҳаи тандурустӣ, хосатан дар бахши КАТС ҳавасмандии хешро иброз намуда, изҳорот ба имзо расониданд.
АКС: Вазорати тандурустӣ ва ҳифзи иҷтимоии аҳолӣ
Ҷаласаи шашуми Шурои иттифоқҳои касабаи давлатҳои Осиёи Марказӣ баргузор гардид
Оид ба таҳкими ҳамкории бисёрҷониба дар самти муқовимат бо ҷалби ҷавонон ба гурӯҳҳои мухталифи хатарзо конференсияи байналмилалӣ доир шуд
Ҳар сол дар баъзе мавзеъҳои Бадахшон то 150 ҳолати фаромадани тарма сабт мешавад
Дар Тоҷикистон ҷарроҳони чинӣ кӯдакону наврасонро аз ташхиси ройгон гузарониданд
Дар вилояти Хатлон давоми ду рӯз бо иштироки Сарвазири Тоҷикистон беш аз 30 иншооти таъйиноти гуногун ифтитоҳ карда шуд
Тоҷикистон ва Амрико ҳамкориро дар соҳаи тандурустӣ ва ҳифзи иҷтимоӣ густариш медиҳанд
Дар ноҳияҳои Темурмалик, Восеъ, Шамсиддини Шоҳин ва шаҳри Кӯлоб бо иштироки Сарвазири Тоҷикистон иншооти таъйиноти гуногун ифтитоҳ гардид
Дар Душанбе даври ниҳоии Озмуни ҷумҳуриявии «Малакаи касбӣ» оғоз гардид
Дар Тоҷикистон барои муайян кардани иллатҳои ирсии модарзод табодули таҷриба анҷом дода шуд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
