Баҳодур Шерализода дар нишасти вазирони муҳити зисти кишварҳои узви Созмони ҳамкории Шанхай дар Тошканд иштирок менамояд

Май 26, 2022 14:11

ДУШАНБЕ, 26.05.2022 /АМИТ «Ховар»/. Дар доираи раёсати Узбекистон дар Созмони ҳамкории Шанхай (СҲШ) 27 май дар Тошканд ҷаласаи сеюми роҳбарони вазорату идораҳои ҳифзи муҳити зисти кишварҳои узви Созмон баргузор мегардад. Тоҷикистонро дар ҷаласаи мазкур раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода намояндагӣ мекунад. Дар ин бора АМИТ «Ховар» бо истинод ба Кумитаи ҳифзи муҳити зист иттилоъ медиҳад.

Ҳайатҳои баландпоя ва коршиносони ҳашт кишвари узви СҲШ бо иштироки намояндагони Котиботи созмон вазифаҳои мубрами рушди минбаъдаи ҳамкорӣ дар соҳаи ҳифзи муҳити зистро бо назардошти воқеияти муосир баррасӣ мекунанд.

Интизор меравад, ки дар нишасти Тошканд ҷонибҳо роҷеъ ба роҳҳои густариши ҳамкорӣ дар бахшҳои муҳим,  аз қабили мониторинги муҳити зист, гуногунии биологӣ, ҳифзи манотиқи табиӣ, рафъи таъсири тағйирёбии иқлим, ҳамкории илмию техникӣ, идораи партовҳои сахт ва рушди тавонмандӣ, баланд бардоштани иқтидори  мутахассисон  табодули назар кунанд.

Дар анҷоми  ҷаласаи вазирони ҳифзи муҳити зисти кишварҳои узви СҲШ тасдиқи Барномаи муштараки таъсиси Платформаи ягонаи табодули иттилооти экологии СҲШ дар назар аст.

Марзия САИДЗОДА,
АМИТ «Ховар» 

АКС аз бойгонии АМИТ «Ховар»

Май 26, 2022 14:11

Хабарҳои дигари ин бахш

Дар вилояти Суғд шумораи корхонаҳои истеҳсоли равған меафзояд
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
Дар оянда байни Душанбе ва Сеул роҳи ҳавоӣ кушода мешавад
8 АПРЕЛ-РӮЗИ ИҚТИСОДЧИЁН. Созмонҳои бонуфузи байналмилалии молиявӣ Тоҷикистонро давлати дорои суръати баланди рушди иқтисодӣ арзёбӣ намудаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
Корхонаи давлатии фаръии «Обтаъминкунӣ» дар ноҳияи Ҳамадонӣ ба беш аз 4 ҳазор хоҷагӣ хизмат мерасонад
Дар Хатлон бо мақсади беҳтар гардонидани содироти маҳсулоти кишоварзӣ вохӯрӣ доир шуд
Тоҷикистон ва Туркманистон тасмим гирифтанд, ки нархгузории ягонаро барои интиқолдиҳандагон амалӣ намоянд