Барои ҳайати шахсии дидбонгоҳи гумрукии «Фотеҳобод» давраи бозомӯзӣ ташкил шуд

Май 1, 2022 10:53

ДУШАНБЕ, 01.05.2022/АМИТ «Ховар»/. Дар Гумруки «Мастчоҳ»-и Раёсати минтақавии гумрукӣ дар вилояти Суғд барои аъзои гурӯҳи назорати бандарӣ, ки дар чаҳорчӯби Барномаи ҷаҳонии UNODC ва Созмони Ҷаҳонии Гумрук оид ба ҳамлу нақли контейнерҳо дар Раёсати минтақавии гумрукӣ дар вилояти Суғд амал менамоянд ва ҳайати шахсии дидбонгоҳи гумрукии «Фотеҳобод» давраи бозомӯзӣ доир гардид, иттилоъ доданд ба АМИТ «Ховар» дар Хадамоти гумруки назди Ҳукумати ҷумҳурӣ.

Мутахассисон ҳангоми гузаронидани машқҳои амалӣ дар баробари тафтиши ҳуҷҷату маълумот, шакл ва тартиби гузаронидани назорати гумрукӣ, инчунин бо ҷойҳои махсуси мошинҳои боркаш ва контейнерҳо, ки дар онҳо эҳтимоли пинҳон намудани воситаҳои нашъадор ҷой доранд, шинос шуда, тартиб ва тарзу усулҳои ошкор кардани маводи манъшударо омӯхтанд.

Инчунин ҷиҳати ташкили мубодилаи маълумот байни кормандони дидбонгоҳи гумрукии «Фотеҳобод» бо аъзои гурӯҳҳои назорати бандарии мақомоти гумруки кишварҳои аъзои Барномаи ҷаҳонии UNODC ва Созмони Ҷаҳонии Гумрук оид ба ҳамлу нақли контейнерҳо мутахассисони давраи бозомӯзӣ бо Шабакаи байниминтақавии хадамоти гумрук ва гурӯҳҳои назорати бандарӣ (UNODC) шинос гардида, барои дастрасӣ ва ворид шудан ба низоми   автоматии Созмони Ҷаҳонии Гумрук «Container Comm» иҷозат гирифтанд.

Давраи бозомӯзӣ  дар доираи ҳамоиши омӯзишӣ оид ба маводи мухаддир ва ҷинояткорӣ дар Осиёи Марказӣ (UNODC) бо ибтикори Намояндагии минтақавии Раёсати Созмони Милали Муттаҳид дар вилояти Суғд баргузор гардид, ки дар он намояндагони Раёсати минтақавии гумрукӣ дар вилояти Суғд, Барномаи назорати содирот ва амнияти сарҳадоти Сафорати Амрико дар Душанбе, ҳамоҳангсози минтақавии Барномаи ҷаҳонии Дафтари СММ оид ба маводи нашъаовар ва ҷинояткорӣ (UNODC) дар Осиёи Марказӣ  ва Созмони Ҷаҳонии Гумрук иштирок намуданд.

Дар ҳамоиш мутахассисони СҶГ атрофи мавзӯъҳои «Спетсификатсияи контейнерҳои E-BIC,  «Тарзҳои назорати контейнерҳо», «Истифодаи  Container Comm ҳамчун манбаи маълумот», «Профили таваккал ва муайян намудани контейнерҳои хавфи баланддошта», «Назорати гумрукии объектҳои моликияти зеҳнӣ», «Тафтиши воситаҳои ҳаммонандсозӣ, тамғаҳо (маркаҳо)-и махсус ва дигар усулҳои ишорагузории молҳо» табодули назар намуданд.

АКС: Хадамоти гумруки назди Ҳукумати Ҷумҳурии Тоҷикистон

Май 1, 2022 10:53

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст