Дар Душанбе бахшида ба фановарӣ ва эҷодкорӣ Ҷашвораи минтақавии «Go Viral» баргузор мешавад
ДУШАНБЕ, 13.05.2022. /АМИТ «Ховар»/. Шабакаи «Go Viral» дар Осиёи Марказӣ, Институти инъикоси ҷанг ва сулҳ (IWPR) ва Сафорати ИМА дар Тоҷикистон алоқамандону коршиносони бахшҳои расона, тиҷорат, фарҳанг ва фановариро ба ҷашнвораи серӯзаи «Go Viral Tajikistan», ки аз 13 то 15 май дар меҳмонхонаи «Hyatt Regency»-и шаҳри Душанбе баргузор мешавад, даъват менамояд.
Шурӯъ аз соли 2017 шабакаи «Go Viral» ҷиҳати рушди ВАО, фарҳанг, тиҷорат ва фановариҳо илҳомбахши рӯзноманигорон, соҳибкорон, филмсозон ва оҳангсозон мебошад.
Имсол мавзӯи ҷашнвора «Go Viral 2022: Ҷустуҷӯ. Ихтироъ. Роҳҳал» аст. Беш аз 50 сухангӯ бо намояндагӣ аз ширкат ва созмонҳои мухталиф, бо шумули «Алиф Бонк», «Илмхона», Ташкилоти амонатии қарзи хурди «Ҳумо», «Coca-Cola» ва «Amazon» дар ҷашнвора иштирок мекунанд.
Инчунин шахсиятҳои шинохта дар шабакаҳои иҷтимоӣ – Рафаэл Гулов, Орзу Исоев, Зарнигор Маҳмудова ва Фаридун Хайруллозода суханронӣ хоҳанд кард. Рассом Фаррух Неъматзода, меъмор Оят Шакурӣ, санъатшинос Диана Раҳмонова, дастаи «Oogway Comics» ва наққоши афғон Умар Хамм низ аз ҷумлаи баромадкунандаҳо ҳастанд. Дар ҷашнвора Далер Назаров, Ҷасур Халилов, DJ Фирдавс Исоев, гурӯҳҳои мусиқии «Melody Rangers», «The Daze» ва гурӯҳи мусиқии афғонӣ аз Маркази «ITCC» ҳунарнамоӣ мекунанд, инчунин намоиши театрӣ ва намоишгоҳҳои ҳунарӣ манзури иштирокдорон мешаванд.
Соҳибкори амрикоӣ Брэндон Эндрюс дар ҷашнвора иштирок намуда, мастер-класс мегузаронад. Брэндон яке аз бунёдгузорони платформаи «Gauge» мебошад, ки ба таҳқиқи бозори дастгоҳҳои мобилӣ дар асоси зеҳни сунъӣ машғул аст. Ӯ ба унвони корманди илмии бахши фановариҳо дар бисёр кишварҳои ҷаҳон дар мавриди соҳибкорӣ ва фановариҳо сухан гуфтааст.
АКС аз манбаъҳои боз
«ДИЛ БА ФАРМОНИ ВАТАН, ХУРСАНДАМ!». Ёддоштҳои Нависандаи халқии Тоҷикистон Абдулҳамид Самад дар бораи устод Мирсаид Миршакар
«ПАЙКАРИ МИЛЛАТ». Таҳти ин ном дар Театри академии драмавии ба номи Лоҳутӣ намоишномаи нав рӯи саҳна омад
«ДӮСТӢ — ТАВАССУТИ ФАРҲАНГ». Таҳти ин унвон дар Донишгоҳи Ҳоҷатепеи шаҳри Анқара бо иштироки кормандони Сафорати Тоҷикистон ҳамоиш доир шуд
Дар вилояти Хатлон Рӯзи шашмақом — достони муҳташами савту калом бо шаҳомати хосса таҷлил шуд
Дар донишгоҳҳои Туркия фарҳанги бойи Тоҷикистон ба хориҷиён муаррифӣ шуд
ШАШМАҚОМ НУТҚИ ҲУНАРМАНДРО БУРРО ВА МАЪНАВИЁТРО ҒАНӢ МЕГАРДОНАД. Имрӯз дар Тоҷикистон рӯзи шоҳасари мусиқии суннатии тоҷикон таҷлил мешавад
Имрӯз дар Москва бахшида ба 30-юмин солгарди равобити дипломатии Тоҷикистон ва Русия намоишгоҳ ифтитоҳ мешавад
«Tajikistan Fashion Week» тарроҳони шинохтаи ватанию хориҷиро дар Душанбе ҷамъ овард
ШАШМАҚОМ-ГАНҶИНАИ БЕБАҲОИ МИЛЛАТ. Дар Китобхонаи миллӣ маҳфили фарҳангӣ баргузор гардид
«РАҚС МОРО МУТТАҲИД МЕНАМОЯД». Имрӯз дар Душанбе Фестивали байналмилалӣ оғоз мепазирад
БА ПЕШВОЗИ РӮЗИ ШАШМАҚОМ. Доир ба инъикоси ин мусиқии суннатӣ дар нашрҳои чопӣ ҳамоиш баргузор гардид
«МАН» ДАР БОРАИ ҲОШИМ ГАДОЕВ. Ҳунарпешаи барҷастаи тоҷик имрӯз 85-сола шуд
