Дар Душанбе масоили коҳиши хатари офатҳои табиӣ баррасӣ гардид

Май 17, 2022 15:20

ДУШАНБЕ, 17.05.2022. /АМИТ «Ховар»/. Имрӯз дар шаҳри Душанбе масъалаҳои арзёбии пешакӣ ва таҳияи стратегияи муқовимат ба офатҳои табиӣ баррасӣ гардид. Дар ҳамоиш намояндагони Мақомоти иҷроияи ҳокимияти давлатии шаҳри Душанбе, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, коршиносон оид ба баланд бардоштани устувории маҳаллӣ ва ғайра ширкат варзиданд, иттилоъ медиҳад хабарнигори АМИТ «Ховар».

Сардори Раёсати Кумитаи ҳолатҳои фавқулода ва мудофиаи граждании шаҳри Душанбе Сулаймон Шамсизода иброз дошт, ки солҳои охир Ҷумҳурии Тоҷикистон ҷиҳати баланд бардоштани иқтидори кишвар дар соҳаи идоракунии офатҳои табиӣ ва иҷрои уҳдадориҳо дар доираи Барномаи Сендай оид ба паст кардани хатари офатҳои табиӣ барои солҳои 2015-2030 корҳои зиёдеро анҷом додааст.

Соли 2019 Тоҷикистон як санади нави стратегӣ таҳия ва қабул кард, ки дар он таҳким ва уҳдадориҳо ҷиҳати коҳиш додани хатари офатҳои табиӣ дар тӯли 10 соли оянда пешбинӣ шудаанд.

Коршинос оид ба устувории маҳаллӣ Олга Шашкина гуфт, ки тайи 20 соли охир аз офатҳои табиӣ  4,4 миллиард нафар зарар дида, хисорот 2 триллион доллари ИМА-ро ташкил дод ва 1 миллиону 300 ҳазор нафар ҳалок шуданд.

«Хатар барои шаҳрҳо мунтазам меафзояд. Тибқи ҳисобҳо, беш аз 50% аҳолии ҷаҳон дар шаҳрҳо зиндагӣ мекунанд. Шаҳришавӣ бо суръати бесобиқа афзоиш меёбад. Мутаассифона, дар вақти ба нақша гирифтани рушду ободонии шаҳрҳо ба оқибатҳои чунин ҳодисаҳои хавфнок, ба монанди зилзила, хавфи гидрометеорологӣ ва ғайра кам диққат дода мешавад», — афзуд Олга Шашкина.

Баланд бардоштани устуворӣ ва мутобиқшавӣ ба тағйирёбии иқлим барои шаҳрҳо муҳим аст. Барои он ки ҳукуматҳои маҳаллӣ дар баландбардории устуворӣ ва коҳиш додани хатарҳо дастгирӣ карда шаванд, UNDRR дар якҷоягӣ бо шарикони глобалӣ ва минтақавии худ ташаббуси «Баланд бардоштани устувории шаҳрҳо то соли 2030» (MCR2030) -ро ба роҳ монд.

MCR2030 — ин ташаббуси беназири бисёрсоҳавӣ барои баланд бардоштани устувории маҳаллӣ тавассути таблиғот, мубодилаи дониш ва таҷриба, ташкили шабакаҳои омӯзишии таҳкими мутақобила миёни шаҳрҳо, ҳамгироии таҷрибаи техникӣ, муттаҳид кардани сатҳҳои гуногуни ҳукумат ва роҳандозии муносиботи  шарикӣ мебошад.

АКС: АМИТ «Ховар»

Май 17, 2022 15:20

Хабарҳои дигари ин бахш

Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
СИТОДИ БАЙНИИДОРАВӢ ХАБАР МЕДИҲАД: Фаъолияти гурӯҳҳои муташаккили террористӣ дар қаламрави ВМКБ ба пуррагӣ қатъ карда шуд