Дар Истанбул бахшида ба Рӯзи ҷавонони Тоҷикистон вохӯрӣ доир карда шуд
ДУШАНБЕ, 20.05.2022 /АМИТ «Ховар»/. 19 май бо ташаббуси Сафорати Ҷумҳурии Тоҷикистон дар Ҷумҳурии Туркия дар доираи таҷлили Рӯзи ҷавонон бо донишҷӯён ва ҷавонони тоҷик, ки дар Туркия таҳсил ва фаъолият менамоянд, вохӯрӣ доир карда шуд. Дар ин бора ба мухбири АМИТ «Ховар» Манижа МАҚСУД дар Сафорати Ҷумҳурии Тоҷикистон дар Анқара хабар доданд.
Вохӯрӣ дар Донишгоҳи «Gelişim»-и шаҳри Истанбул бо иштироки беш аз 100 нафар баргузор гардида, дар он намояндаи Сафорат оид ба масъалаҳои дастгирии давлатии ҷавонон, таваҷҷуҳи пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба илмомӯзии онҳо, қабул ва амалӣ гардидани силсилаи санадҳои меъёриву ҳуқуқии соҳа, стратегияву барномаҳои давлатӣ, таъсис додани стипендияҳо, бурсияҳо ва ҷоизаҳои президентӣ барои ҷавонон, роҳандозӣ гардидани иқдомҳои шоиста дар самти дастгирии ҳамешагии ташаббусҳои неку наҷиби ҷавонони соҳибистеъдод ва амсоли инҳо суҳбат намуд.
Таъкид гардид, ки мутаассифона, дар баробари ҷавонони лаёқатманд, ватандӯст ва меҳанпараст нафароне ҳастанд, ки дар пайи халалдор сохтани амнияти кишвар, зарар расонидан ба истиқлоли давлатӣ ва дар маҷмӯъ хизмат кардан ба «хоҷагони хориҷӣ»-и худ мебошанд. Хусусан ишора карда шуд, ки нафарони аз илму ирфон дур ва зери таъсири шахсони ифротию террористӣ қароргирифта барои халалдор сохтани суботу амнияти Тоҷикистон кӯшишҳо ба харҷ медиҳанд.
Вобаста ба амалу кордорҳои чунин гурӯҳҳо маълумоти муфассал пешниҳод шуда, ҷавонон ба зиракии сиёсӣ ва эҳтиром гузоштан ба сулҳу субот ва истиқлоли давлатии Тоҷикистон ҳидоят гардиданд.
Дар идома аз ҷониби донишҷӯёни тоҷик барои болида гардонидани хотири шаҳрвандон барномаи консертӣ пешкаш карда шуд.
Миёни иштирокчиёни вохӯрӣ ва намояндаи Сафорат вобаста ба шарту шароити таҳсилашон дар донишгоҳҳои олии Ҷумҳурии Туркия суолу ҷавоб сурат гирифта, вазъи будубошашон дар ин кишвар ва дигар масъалаҳои шаҳрвандӣ муҳокима гардиданд.
Намояндаи Сафорат иттилоъ дод, ки Сафири Ҷумҳурии Тоҷикистон дар Ҷумҳурии Туркия Ашрафҷон Гулов ҳамеша бо пайгирӣ аз сиёсати Пешвои миллат муҳтарам Эмомалӣ Раҳмон ба масъалаи дастгирии ҷавонон, хусусан донишҷӯёни тоҷик, ки дар донишгоҳҳои Туркия таҳсил менамоянд, таваҷҷуҳ карда, баҳри дастгирии онҳо тамоми тадбирҳои дахлдорро меандешанд.
Донишҷӯён низ дар ҷавоб ба ғамхориҳои пайвастаи роҳбарияти олии кишвар изҳори омодагӣ намуданд, ки донишу илмҳои муосирро фаро гирифта, баҳри боз ҳам ободу мутараққӣ кардани Тоҷикистон саҳм хоҳанд гузошт.
Дар идомаи чорабинӣ миёни донишҷӯён мусобиқаҳои варзишӣ доир карда шуданд.
АКС: Сафорати Ҷумҳурии Тоҷикистон дар Ҷумҳурии Туркия
МОҲИ ИЮЛ ТОҶИКИСТОНИЁНРО ЧӢ ГУНА ҲАВО ИНТИЗОР АСТ? Ба ин суоли АМИТ «Ховар» муовини Директори Агентии обуҳавошиносӣ Ҷамила Байдуллоева посух дод
ЭҲТИЁТ ШАВЕД, «ЧИЛЛА»-И ТОБИСТОН! Дар Тоҷикистон ин рӯзҳо ҳарорати ҳаво то ба 45 дараҷа мерасад
Дар ноҳияи Кӯшониён пули дарозиаш 85-метра ба истифода дода шуд
Корҳои кашидани хатти оби нушокӣ аз деҳаи Калтачинор ба маркази ноҳияи Балҷувон оғоз гардиданд
Ба Тоҷикистон беш аз 200 ҳазор воя ваксинаи намуди «Pfizer» ворид карда шуд
Ҳайати Тоҷикистон дар ҷаласаи коршиносони байналмилалӣ дар Истанбул иштирок намуд
«МАКТАБИ СИЁСИИ ПЕШВОИ МИЛЛАТ». Назаре ба кори Конференсияи байналмилалии илмию амалӣ бахшида ба 25-солагии Ваҳдати миллӣ
Шабнам Раҳимзода, муовини якуми Раиси Кумитаи кор бо ҷавонон ва варзиш: «Ваҳдати миллӣ табассуми гумшудаи модари тоҷикро дубора баргардонд»
Раиси КИ ҲХДТ дар ноҳияи Фирдавсӣ: «Аз заиф будани ваҳдати миллӣ дар Афғонистон зиёда аз чор даҳсола аст, ки онҳо ба сулҳу субот намерасанд»
АГЕНТИИ ОБУҲАВОШИНОСӢ ХАБАР МЕДИҲАД: Аз 27 то 30 июн дар Тоҷикистон ҳарорати рӯзонаи ҳаво баланд мешавад
Дар шаҳри Гулистон таҳти унвони «Эмомалӣ Раҳмон – меъмори давлати миллии тоҷикон» конференсия доир шуд
«Ба қадри сулҳу оромии Тоҷикистон бирасем!»,- бардошт аз конференсия дар Кумитаи забон ва истилоҳот
