ФУТБОЛ. Замони баргузории бозиҳои даври шашуми Чемпионати Тоҷикистон дар Лигаи олӣ муайян гардид
ДУШАНБЕ, 06.05.2022 /АМИТ «Ховар»/. Пагоҳ бозиҳои даври шашуми Чемпионати Тоҷикистон оид ба футбол-2022 миёни дастаҳои Лигаи олӣ дар варзишгоҳҳои мамлакат оғоз мешаванд. Дар ин давр 7 май дастаҳои футболи «Эсхата»-и шаҳри Хуҷанд бо «Равшан»-и ноҳияи Зафаробод, «Файзканд»-и ноҳияи Восеъ бо «Регар-ТадАЗ»-и шаҳри Турсунзода, 9 май «Истаравшан»-и шаҳри Истаравшан бо КМВА-и шаҳри Душанбе, 12 май «Хуҷанд»-и шаҳри Хуҷанд бо «Равшан»-и шаҳри Кӯлоб ва «Хатлон»-и шаҳри Бохтар бо «Истиқлол»-и шаҳри Душанбе бозӣ мекунанд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Бозиҳои даври панҷуми Чемпионати Тоҷикистон оид ба футбол-2022 миёни дастаҳои Лигаи олӣ 30 апрел ва 1 май дар варзишгоҳҳои мамлакат хеле ҷолиб баргузор гардиданд. Дар даври панҷум дастаи «КМВ Артиш»-и шаҳри Душанбе ба аввалин бохт рӯбарӯ гардида, дастаи футболи «Равшан»-и ноҳияи Зафаробод аввалин пирӯзиашро ҷашн гирифт. Дастаи КМВА-и шаҳри Душанбе дар майдони худ аз дастаи «Равшан»-и шаҳри Кӯлоб бо ҳисоби 1:2 шикаст хӯрд. Ба як голи бозингари дастаи мизбон Шарафҷон Солеҳов кӯлобиҳо тавассути Коуасси Инносент ва Абдухалил Боронов бо ду гол ҷавоб доданд. Дастаи футболи «Равшан»-и ноҳияи Зафаробод бар дастаи «Истаравшан»-и шаҳри Истаравшан бо ҳисоби 2:1 пирӯз шуд. Ҳисобро футболбози дастаи «Истаравшан» Мбеке Сиябатчу Деудони кушод. Бозингари зафарободӣ Бахтиёр Зарипов ду гол зада, аввалин пирӯзии дастаи футболи «Равшан»-и ноҳияи Зафарободро дар Лигаи олӣ таъмин кард.
Дар бозии дигар дастаи футболи «Регар-ТадАЗ»-и шаҳри Турсунзода дар бозии хонагӣ дастаи «Эсхата»-и шаҳри Хуҷандро бо ҳисоби 3:1 мағлуб кард. Голҳоро дар ҳайати дастаи ғолиб Дилшод Бозоров, Фатҳулло Фатҳуллоев ва Алиҷони Айнӣ ба нишон расониданд.
Дастаи футболи «Хатлон»-и шаҳри Бохтар дар ин давр бо дастаи «Хуҷанд»-и шаҳри Хуҷанд баробар (0:0) бозӣ карда, пешсафиашро дар ҷадвали мусобиқа нигоҳ дошт.
Мавқеи дастаҳо дар ҷадвали мусобиқа
| Ҷ | ДАСТАҲО | Б | Ғ | М | Б | Т/Т | И |
| 1 | «Хатлон» (Бохтар) | 5 | 3 | 2 | 0 | 7-3 | 11 |
| 2 | КМВА (Душанбе) | 4 | 3 | 0 | 1 | 6-3 | 9 |
| 3 | «Регар-ТадАЗ» (Турсунзода) | 5 | 2 | 1 | 2 | 6-5 | 7 |
| 4 | «Равшан» (Кӯлоб) | 4 | 2 | 1 | 1 | 5-5 | 7 |
| 5 | «Хуҷанд» (Хуҷанд) | 5 | 1 | 2 | 2 | 4-3 | 5 |
| 6 | «Равшан» (Зафаробод) | 5 | 1 | 2 | 2 | 5-9 | 5 |
| 7 | «Истаравшан» (Истаравшан) | 4 | 1 | 1 | 2 | 6-3 | 4 |
| 8 | «Файзканд» (Восеъ) | 4 | 1 | 1 | 2 | 3-7 | 4 |
| 9 | «Эсхата» (Хуҷанд) | 4 | 1 | 0 | 3 | 5-9 | 3 |
| 10 | «Истиқлол» (Душанбе) | 0 | 0 | 0 | 0 | 0-0 | 0 |
Рӯйхати голзанҳои пешсаф: Фатҳулло Фатҳуллоев («Регар-ТадАЗ»), Шарафҷон Солеҳов (КМВА), Абдухалил Боронов («Равшан» Кӯлоб), Бахтиёр Зарипов («Равшан» Зафаробод), Мбеке Сиябатчу Деудони («Истаравшан»), Санҷар Рихсибоев («Эсхата») – 3 -тӯбӣ.
Даври 6-ум
7 май (якшанбе)
«Эсхата» – «Равшан» (Зафаробод)
«Файзканд» – «Регар-ТадАЗ»
9 май (душанбе)
«Истаравшан» – КМВА
12 май (панҷшанбе)
«Хуҷанд» – «Равшан» (Кӯлоб)
«Хатлон» – «Истиқлол»
Акс: ФФТ
Дар шоҳроҳи ноҳияи Данғара мусобиқаи ҷумҳуриявӣ оид ба велосипедронӣ баргузор гардид
Сармураббиёни дастаҳои миллии Тоҷикистон дар ҷаласаи Шурои мураббиёни ФФТ ҳисобот доданд
Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
