МАСЛИҲАТИ МУТАХАССИС. Инсон бояд дар як шабонарӯз аз 25 то 50 грамм фалла (творог) истеъмол намояд
ДУШАНБЕ, 07.05.2022 /АМИТ «Ховар»/. Фалла (творог) манбаи асосии витаминҳои В ва калсий, макро-микроэлементҳо ва миқдори зиёди моддаҳо низ мебошад. Творог маҳсулоти ширии ферментшудаест, ки дар асоси шир ва хамир тайёр карда мешавад. Имрӯз мо дар якҷоягӣ бо ғизошинос, доктори илмҳои тиб, профессор Ҷаҳон Азонов дар бораи фоида творог суҳбат мекунем.
Ба гуфти Ҷаҳон Азонов «Инсон бояд дар як шабонарӯз аз 25 то 50 грамм творог истеъмол намояд. Творог дорои миқдори зиёди калсий дар шакли осон ҳазмшаванда, инчунин витаминҳои B1, B2, PP, C ва ғайра мебошад. Ба ташаккули гемоглобин мусоидат намуда, қобилияти барқарорсозии системаи асабро беҳтар мекунад, бофтаҳои устухон ва инкишофии онро мустаҳкам мекунад. Онҳое, ки вазни худро гум мекунанд, шир намехӯранд ва ё дар хоб мушкилӣ доранд, бояд творог истеъмол намояд».
Ба маслиҳати мутахассис ин маҳсулоти шириро низ ба кӯдакон истеъмол намудан фоидаовар аст. Зеро кӯдакон дар давраи инкишоф қарор доранд ва устухони онҳо ба калсий бештра ниёз дорад.
Доир ба таркиби ин маҳсулот чунин назар намуданд: «Дар 100 грамм маҳсулот метавонад аз 10 то 15 фоизи талаботи шабонарӯзии ин элементи кимиёвӣ дошта бошад. Дараҷаи ҳазмшавии он дар организми инсон нисбат ба сафедаи гӯшт каме баландтар аст. Аммо одамоне, ки ҳаррӯза калсийро истеъмол мекунанд, эҳтимоли камтар ба остеопороз гирифтор мешаванд».
Ин маҳслуоти хӯрока ба мӯйи инсон низ фоидаовар аст. Зеро он сифати мӯйро хуб намуда решаи онро мустаҳкам мекунад.
Ба тавсияи мутахасисион ин маҳсулот барои занони ҳомиладор дар раванди ташаккули скелет дар ҳомила таъсири мусбӣ мерасонад (аз ҳисоби миқдори зиёди калсий);
Инчунин шахс ба варзиш машғул бошад, пас хӯрдани творог пеш аз хоб ва пеш аз машқ метавонад ба барқароршавии мушакҳо таъсири мусбӣ расонад ва ба мубодилаи солим мусоидат кунад.
Аз сабаби он, ки творог миқдори зиёди калсий дорад, барои бадани мо вазни мӯътадил нигоҳ доштан ва аз даст додани вазни нолозим осонтар аст. Бо мубодилаи солими ин модда дар одамон ва машқҳои ҳаррӯзаи варзишӣ дар бадан фарбеҳ камтар ҷамъ мешавад ва талафоти онро метезонад.
Ба инсонҳо тавсия дода мешавад, ки творог маҳсулоти зуд вайроншаванда аст, бинобар ин онро дар яхдон на бештар аз 2-3 рӯз нигоҳ доштан лозим аст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар» ва манбаи боз
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
