МО СИПАРИ ВАТАН ШАВЕМ! 120 нафар донишҷӯёни Хатлон ихтиёран ба сафи Қувваҳои Мусаллаҳи Тоҷикистон пайвастанд
ДУШАНБЕ, 06.05.2022 /АМИТ «Ховар»/. То ба имрӯз беш аз 120 нафар донишҷӯёни Донишгоҳи давлатии Бохтар ба номи Носири Хусрав пас аз супоридани имтиҳони давлатӣ ихтиёран ба сафи Қувваҳои Мусаллаҳи Ҷумҳурии Тоҷикистон сафарбар гардиданд, иттилоъ доданд ба АМИТ «Ховар» дар шуъбаи иттилоот ва таҳлили дастгоҳи раиси вилояти Хатлон.
Дар маросими гусели наваскарон ба сафи Қувваҳои Мусаллаҳи Ҷумҳурии Тоҷикистон устодони донишгоҳ, намондагони дастгоҳи раиси вилояти Хатлон, Раёсати кор бо ҷавонон ва варзиши вилоят иштирок намуданд.
Ҳоло 35 нафар хатмкунандагони факултети сиёсат ва идораи давлатии ин донишгоҳ ихтиёран ба хизмати ҳарбӣ сафарбар гардида, хатмкунандагони 12 факултети дигари донишгоҳ омодаи хизмати содиқона ба Ватан мебошанд.
Зикр гардид, ки ихтиёран ба хизмат ҳозир шудани ҷавонони ғаюру ватандӯст бозгӯи он аст, ки анъанаҳои неки аҷдодӣ, қаҳрамонию ҷоннисориҳои падарону бобоён дар роҳи ҳифзи хоки Ватан, таъмини сулҳу субот ва истиқлоли давлатӣ аз ҷониби ин ворисони арзанда идома меёбад.
Падару модарони наваскарон аз ин иқдоми пешгирифтаи фарзандонашон рӯҳбаланд гашта, зикр намуданд, ки бо чунин фарзандон ифтихор мекунанд.
Сафи хоҳишмандони хизмат ба Ватан рӯз то рӯз бештар гардида, дар назар аст, ки рӯзҳои наздик гурӯҳи дигари донишҷӯён ба сафи Қувваҳои Мусаллаҳи Ҷумҳурии Тоҷикистон шомил гардад.
АКС: шуъбаи иттилоот ва таҳлили дастгоҳи раиси вилояти Хатлон
Ҷаласаи 10-уми вазирони давлатҳои аъзои СҲИ оид ба коҳиши хатари офатҳои табиӣ доир шуд
Агар бо ҳолати фавқулода рӯ ба рӯ гардем, бояд ба куҷо муроҷиат намоем?
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
Ҳамкории милитсия ва соҳаи маорифи шаҳри Душанбе дар самти пешгирии ҷинояткории наврасону ҷавонон тақвият меёбад
ТАРМАФАРОӢ. Дар Тоҷикистон фаромадани тарма аз нимаи моҳи декабр то моҳи апрел дар назар аст
