Намояндаи Тоҷикистон дар нишасти роҳбарони маъмурияти сайёҳии кишварҳои СҲШ дар Тошканд иштирок намуд
ДУШАНБЕ, 19.05.2022. /АМИТ «Ховар»/. Дар шаҳри Тошканд вохӯрии роҳбарони маъмурияти сайёҳии давлатҳои узви Созмони ҳамкории Шанхай /СҲШ/ доир гардид, ки дар он Тоҷикистонро Раиси Кумитаи рушди сайёҳии назди Ҳукумати ҷумҳурӣ Тоҷиддин Ҷӯразода намояндагӣ намуд. Дар ин бора ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон иттилоъ доданд.
Интизор меравад, ки дар нишаст роҳбарони соҳаи сайёҳии давлатҳои узви СҲШ тарҳи созишномаи байни ҳукуматҳои кишварҳои узви СҲШ-ро оид ба рушди ҳамкорӣ дар соҳаи сайёҳӣ ба имзо расонанд.
Ҷонибҳо масъалаҳои ҳамкорӣ дар самти барқарорсозӣ ва рушди минбаъдаи сайёҳӣ дар давраи пас аз пандемия, ташаккул ва пешбурди бренди ягонаи сайёҳии СҲШ-ро баррасӣ карданд.
Ҳамчунин дар бораи таъсиси хатсайрҳои нави сайёҳӣ ва оптимизатсияи хатсайрҳои мавҷуда аз нигоҳи сайёҳии бехатар, тавсеаи ҳамкории сармоягузорӣ дар соҳаи сайёҳӣ, табодули таҷриба дар рушди инфрасохтори гардишгарӣ мувофиқа ҳосил шуд.
Дар ҳошияи вохӯрӣ Форуми байналмилали сайёҳӣ дар мавзӯи «Марҳилаи нави ҳамкории давлатҳои узви СҲШ: сайёҳӣ ва мероси фарҳангӣ» баргузор мегардад.
Чорабинии мазкур яке аз платформаҳои муҳим барои таҳкими ҳамкорӣ, тақвияти неруи зеҳнӣ ва ҷалби сайёҳон ба кишварҳои ҳамдигар маҳсуб мешавад.
Соли 2021 чорабинии мазкур бо дастгирии Ҳукумати Ҷумҳурии Тоҷикистон дар шаҳри Душанбе баргузор гардида буд.
АКС: Кумитаи рушди сайёҳии ҶТ
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Президенти Тоҷикистон: «Вилояти Мухтори Кӯҳистони Бадахшон бо мардуми меҳмоннавоз ва имконоти васеи сайёҳӣ маҳбубияти зиёд дорад»
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
