Ғолиби озмуни «Омӯзгори соли Тоҷикистон 2022» дар ноҳияи Шуғнон муайян гардид
ХОРУҒ, 15.05.2022. /АМИТ «Ховар»/. Даври дуюми озмуни «Омӯзгори соли Тоҷикистон 2022» миёни омӯзгорони муассисаҳои таҳсилоти миёнаи умумии ноҳияи Шуғнон баргузор шуд. Дар даври аввали озмун 18 омӯзгор ширкат намуданд, ки чаҳор нафарашон ба даври ноҳиявӣ роҳхат гирифтанд, иттилоъ медиҳад мухбири минтақавии АМИТ «Ховар» Файз МИРАСАН.
Ба гуфти раиси комиссияи озмун Ризо Кабиров, “ҳадафи аслии ин озмун- дарёфти омӯзгори навовару эҷодкор, қадрдонии заҳмат ва баланд бардоштани мақому манзалати омӯзгорон мебошад. Дар доираи низомнома довталабон аз рӯи 7 шарти пешниҳодшуда байни ҳам рақобат мекунанд. Дарси конкурсӣ, муаррифии таҷрибаи корӣ, таҳлили дарс аз ҷумлаи шартҳои муҳими ин озмун мебошанд. Ба таври дақиқ матраҳ намудани мавзӯъ, дода тавонистани донишҳои нав ба шогирдон, фаъол будани хонандагон дар дарс ва ҳарчӣ бештар бедор кардани завқи хонандагон нисбат ба илму дониш ва амсоли инҳо ба шарти дарси конкурсӣ дохил мешаванд. Дар баробари ин довталаб бояд дар озмун бо истифода аз маводи таълимӣ-методӣ ва технологияи муосир таҷрибаи инноватсионии худро муаррифӣ намояд. Ба ин васила собит намояд, ки дар касби худ пешсаф аст ва ҳар дарсаш бо усулу услуб ва сабки нав ҷолибу шавқовар мегузарад, аз тафаккури интиқодӣ бархурдор аст ва аз танқиду эродҳои ҳамкасбони худ наҳаросида, барои ислоҳашон саъю талоши бештар мекунад”.
Воқеъбинона арзёбӣ намудани дарс, эҳсос кардани тарафҳои мусбат, камбудиҳои ҷойдошта ва роҳҳои ҳалли онҳо ба шарти дигари озмун, яъне таҳлили дарс мансуб мебошад.
Ҳайати доварон ба ҳар шарти озмун алоҳида баҳо гузошта, қабл аз шарти навбатӣ холҳои довталабонро эълон намуданд.
Бо ҳамин ҷои аввал ва унвони «Омӯзгори соли Тоҷикистон 2022” насиби омӯзгори забони русии муассисаи таълимии рақами як, Ҷамоати деҳоти ба номи Ғарибшо Шаҳбозови ноҳияи Шуғнон Шаҳноза Туробова гардид. Акнун ин муаллим шарафи омӯзгорони ин ноҳияро дар озмуни вилоятӣ ҳифз хоҳад кард.
АКС: АМИТ «Ховар»
Дар деҳаи Шодмонқалъаи шаҳри Ваҳдат бинои нави муассисаи таълимӣ ба истифода дода шуд
Дар Коллеҷи омӯзгории шаҳри Душанбе даври якуми озмуни шаҳрии «Ту қалби Тоҷикистонӣ, Душанбе» доир шуд
Хонандагони шаҳри Ҳисор ғолиби Озмуни ҷумҳуриявии «Илм – фурӯғи маърифат» шуданд
«УФУҚҲОИ НАВ ДАР ИЛМ, ТАҲСИЛ ВА АМАЛИЯИ ТИББӢ». Таҳти чунин унвон дар Душанбе конференсия доир шуд
Вобаста ба масъалаҳои муосири саноати мошинсозӣ конференсияи байналмилалӣ доир шуд
Донишҷӯёни Донишгоҳи техникии Тоҷикистон дар даври ҷумҳуриявии озмуни «Илм-фурӯғи маърифат» соҳиби ҷойҳои намоён гардиданд
Муассисаҳои соҳаи маорифи шаҳри Душанбе барои муътадил гузаронидани зимистон чӣ гуна омодагӣ дидаанд?
«ИЛМ-ФУРӮҒИ МАЪРИФАТ». Дар Душанбе маросими ҷоизасупорӣ ба ғолибони озмуни ҷумҳуриявӣ доир шуд
«БЕҲТАРИН ДОНАНДАИ КОНСТИТУТСИЯ». Таҳти сарпарастии Раиси шаҳри Душанбе барои хонандагони пойтахт озмун оғоз гардид
Дар Донишгоҳи миллии Тоҷикистон маросими тантанавии супоридани стипендияи Сафири Ҷумҳурии Мардумии Чин дар Тоҷикистон барои соли 2024 баргузор шуд
Дар Душанбе даври ноҳиявии озмуни шаҳрии «Омилҳои коррупсиониро маҳкум месозем!» ҷамъбаст гардид
Дар Вазорати маориф ва илми Тоҷикистон вазъи фаъолияти муассисаҳои таълимии вилояти Суғдро шарҳ доданд
