Пайомадҳои офати табиӣ дар шаҳри Турсунзода бартараф мегарданд

Май 11, 2022 11:08

ДУШАНБЕ, 11.05.2022 /АМИТ «Ховар»/. Тавре қаблан хабар додем, боронҳои пуршиддати 5-6 май боиси боло рафтани сатҳи оби рӯдхонаҳои Қаратоғ, Ширкент ва каналҳои Хоҷанақширон, Заркамар, Муллошодӣ ва зери об мондани чандин қитъаҳои наздиҳавлигӣ дар шаҳри Турсунзода гардиданд. Аз ҷумла, дар деҳаи Файзбахш об ба 237 хоҷагӣ таҳдид мекард.

Тавре ба АМИТ «Ховар» дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд, барои анҷом додани корҳо ҷиҳати бартараф намудани оқибатҳои ин ҳодиса қувваю воситаҳои Комиссияи ҳолатҳои фавқулодаи шаҳри Турсунзода ва сарбозони Кумитаи мазкур ҷалб карда шуданд

Барои пешгирии оқибатҳои сел гурӯҳи фаврӣ таҳти роҳбарии муовини раиси Кумитаи ҳолатҳои фавқулода ва мудофиаи граждании ҷумҳурӣ, полковник Имомалӣ Иброҳимзода ва Комиссияи ҳолатҳои фавқулодаи шаҳр ба ҷойи ҳодиса сафарбар гардид. Аҳолӣ муваққатан ба ҷойҳои бехавф кӯчонида шуд. Ин офати табиӣ талафоти ҷонӣ надошт.

Мавриди зикр аст, ки бар асари бориши шиддатнок ба ноҳияҳои кӯҳии вилояти Суғд, шаҳри Ҳисор ва ноҳияи Рӯдакӣ низ зарар расидааст.

Дар айни замон вазъ дар ҷумҳурӣ муътадил буда, минтақаҳои ба сел осебпазир зери назорат қарор доранд. Дар рустоҳое, ки аз сел зарар дидаанд, корҳои бартарафсозии пайомадҳои он идома доранд.

Ҳамзамон бо ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки бино ба маълумоти Агентии обуҳавошиносии Тоҷикистон, аз 10 то 16 моҳи май дар қаламрави мамлакат ҳавои номусоид дар назар дошта шудааст. Боронҳои пуршиддат, шамоли сахт, жола, раъду барқ метавонанд ба зиндагии сокинон мушкилиҳо пеш оваранд.

Кумита аз аҳолӣ хоҳиш мекунад, ки қабл аз оғози боронҳо ҷӯйборҳо ва селроҳаҳоро аз ҳар гуна хасу партовҳо ва сангу рег тоза кунанд.

Акс: КҲФ ва МГ

Май 11, 2022 11:08

Хабарҳои дигари ин бахш

ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
Дар Кооперативи тиҷоратии ба номи Латиф Муродови шаҳри Ҳисор дар майдони 210 гектар кишти такрорӣ мегузаронанд
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
Дар оянда мусофирон дар фурудгоҳҳои Тоҷикистон сарҳадро тавассути «дарвозаи электронӣ» убур менамоянд