Президенти Тоҷикистон Созмони Аҳдномаи амнияти дастҷамъиро аз таҳия шудани барномаҳои мухталиф дар марзҳои ҷанубӣ огоҳ намуданд
ДУШАНБЕ, 17.05.2022 /АМИТ «Ховар»/. Президенти Ҷумҳурии Тоҷикистон Эмомалӣ Раҳмон кишварҳои узви Созмони Аҳдномаи амнияти дастҷамъиро (СААД) даъват намуданд, ки ба таҳдидҳои эҳтимолӣ таваҷҷуҳ зоҳир намоянд. «СААД бояд ҷиҳати таҳияи барномаҳои мухталиф дар марзҳои ҷанубӣ омода бошад», — зикр карданд Пешвои миллат 16 май дар ҷараёни суханронии хеш зимни нишасти сарони давлатҳои аъзои Созмон.
Сарвари давлат изҳор доштанд, ки кишварҳои узви Созмонро зарур аст талошҳоро барои ҳифзи марзҳои берунӣ ҳарчи бештар намоянд.
Президенти Тоҷикистон ба вазъ дар Афғонистони ҳамсоя, ки тайи даҳсолаҳои охир танҳо бадтар шудааст, таваҷҷуҳ намуданд. Эмомалӣ Раҳмон иброз доштанд, ки заминаи густурдаи ҳуқуқӣ ва механизмҳои мавҷудаи Созмон имкон медиҳад, ки тамоми вазифаҳои ба миён гузошта ҳал карда шаванд.
Сарвари давлат ҳамчунин тазаккур доданд, ки ҳоло низомҳои амнияти дастҷамъӣ пайваста таҳким меёбанд. Ҳамаи ин, ба гуфтаи Президенти Тоҷикистон, имкон медиҳад, ки сатҳи баланди омодагии ҷангӣ нигоҳ дошта шавад.
Президенти Русия Владимир Путин бо ишора ба ин мавзӯъ гуфт, ки тирамоҳи соли 2022 кишварҳои узви СААД як силсила тамринҳои низомӣ баргузор хоҳанд кард. Ҳамин тариқ, машқҳо дар қаламрави Тоҷикистон, Қирғизистон ва Қазоқистон баргузор мешаванд.
«Мо ҳамчунин бо масъалаҳои муҷаҳҳаз гардонидани неруҳои дастҷамъонаи СААД бо аслиҳа ва техникаи муосир, баланд бардоштани мутобиқати амалиётии қисмҳои низомии онҳо ва беҳбуди ҳамоҳангии амалҳои муштараки сохторҳои низомиямон машғул хоҳем шуд», — гуфт Владимир Путин.
АКС: Хадамоти матбуоти Президенти ҶТ/АМИТ «Ховар»
КОНСТИТУТСИЯ—ШОҲСУТУНИ ДАВЛАТ. Иқтибосҳо аз суханрониҳои Президенти Тоҷикистон
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
