ҲУШДОРИ АГЕНТИИ ОБУҲАВОШИНОСӢ: 14-15 май дар Тоҷикистон ҳавои номусоид пешгӯӣ мешавад
ДУШАНБЕ, 13.05.2022 /АМИТ «Ховар»/. 14-15 май дар ҷумҳурӣ ҳавои номусоид дар назар буда, ба истиснои Вилояти Мухтори Кӯҳистони Бадахшон дар дигар навоҳӣ борон пешгӯӣ мешавад. Дар баъзе ноҳияҳо борони бошиддат борида, раъду барқ ба амал меояд ва боридани жола аз эҳтимол дур нест. Дар дарёҳои ҷумҳурӣ баландшавии сатҳи об пешгӯӣ мешавад.
Тавре аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» хабар доданд, 13-16 май дар минтақаҳои алоҳидаи кӯҳӣ ва доманакӯҳии ноҳияҳои тобеи ҷумҳурӣ, вилоятҳои Хатлон ва Суғд сар задани зуҳуроти селии дорои хусусияти маҳаллӣ аз эҳтимол дур нест.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон тавсия медиҳад, ки ин ду рӯз боронҳои пуршиддат дар баъзе манотиқи қаламрави кишвар (ба истиснои ВМКБ) метавонанд сабаби боло рафтани сатҳи об дар рӯдхонаҳо ва селфароӣ гарданд.
Боронҳо дар минтақаҳои кӯҳиву наздикӯҳӣ, талу теппаҳо ҳамчунин метавонанд боиси кӯчиши замин, канда шудани саддҳои зиддиселӣ, харобии пулҳои мошингузару одамгузар шаванд. Ҳавои номусоид чорвочарониро низ мушкил мекунад.
Болоравии сатҳи оби рӯдхонаҳо ва обхезиву селҳо метавонанд боиси зери об мондани киштзор ва зироати кишоварзӣ гарданд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон чун ҳамеша сокинон ва меҳмонони кишварро ҳушдор медиҳад, ки дар чунин рӯзҳо аз сафарҳои безарарат бо роҳҳои кӯҳӣ худдорӣ кунанд. Рафтан ба шикор, ғунучини ҳезум ва рустаниҳои дорувор, занбӯруғҳо ва ё рафтан ба соҳили кӯлу обанборҳо барои моҳидорӣ маслиҳат нест.
Аз мақомоти ҳокимияти давлатии шаҳру ноҳияҳо хоҳиш карда мешавад, ки ба хотири пешгирӣ аз хатари селҳо сари вақт дар минтақаҳои осебпазир ҳашарҳои умумихалқӣ ташкил кунанд ва ҷӯю каналу селроҳаҳои наздики маҳалҳои истиқоматиро аз ҳар гуна сангу сангреза ва хасу партовҳо тоза намоянд.
Кумита ба хотири пешгирӣ аз ҳодисаҳои нохуш дар роҳҳо аз ронандагон эҳтироман хоҳиш мекунад, ки қоидаҳои ҳаракатро ҷиддан риоя намоянд. Бахусус дар соатҳои боронӣ ҳаракат дар роҳҳо мушкил аст ва баланд кардани суръати ҳаракат ҳамеша хатар дорад.
АКС: АМИТ «Ховар»
Дар мавзуи мубориза бо коррупсия барои ҷавонон дарси кушоди омӯзишӣ баргузор гардид
Гурӯҳи кории Хадамоти иҷро бо фаъолият ва шароити кории иҷрочиёни шаҳру ноҳияҳои Суғд шинос гардид
Тоҷикистон ба ҳайати Комиссияи панаврупоии Созмони ҷаҳонии тандурустӣ оид ба масъалаҳои иқлим ва тандурустӣ дохил шуд
Оилаи Саидвалӣ Тоиров аз ноҳияи Фирдавсии шаҳри Душанбе соҳиби Шоҳҷоизаи озмуни «Оилаи беҳтарин» гардид
«ОИЛА-МАКОНИ МЕҲРУ САДОҚАТ». Таҳти чунин унвон ҳамоиш доир шуд
ИМРӮЗ — РӮЗИ БАЙНАЛМИЛАЛИИ ОИЛА. Бунёди ҷомеаи солим ва тарбияи насли ояндасоз яке аз масъалаҳои муҳими оила аст
Дар Душанбе Озмуни ҷумҳуриявии «Оилаи беҳтарин» ҷамъбаст карда мешавад
ОГОҲӢ. Дар Тоҷикистон то 17 май ҳарорати ҳаво баланд мешавад
Оила — ҷоест, ки дар он ҳама аъзои хонавода эҳсоси оромиш, амният ва ишқ намоянд. Эҳдо ба Рӯзи байналмилалии оила
Дар Шанхай вохӯрии роҳбарони сохторҳои минтақавӣ оид ба ҳолатҳои фавқулодаи минтақаҳои наздимарзии давлатҳои аъзои СҲШ доир гардид
Даври ҷумҳуриявии Фестивал-озмуни «Беҳтарин армуғон» ҷамъбаст гардид
Нахустин маротиба дар Тоҷикистон амалиёти ҷарроҳӣ бе буриш аз даҳон гузаронида шуд
