Дар Ереван ҷаласаи Шӯрои вазирони корҳои хориҷии СААД баргузор мешавад
ДУШАНБЕ, 07.06.2022 /АМИТ «Ховар»/. 10 июн дар Ереван таҳти раёсати Вазири корҳои хориҷии Ҷумҳурии Арманистон Арарат Мирзоян ҷаласаи навбатии Шӯрои вазирони корҳои хориҷии кишварҳои узви Созмони Аҳдномаи амнияти дастҷамъӣ (СААД) баргузор мешавад. Дар ин бора имрӯз котиби матбуоти СААД Владимир Зайнетдинов (ДАР АКС) хабар дод.
Бино ба гуфтаи ӯ, интизор меравад, ки вазирон вазъи амнияти байналмилалӣ ва минтақавӣ ва таъсири он ба амнияти кишварҳои узви ин созмонро баррасӣ намоянд.
«Ба аъзои Шӯро дар бораи корҳое, ки Котибот ва Ситоди муштараки СААД ҷиҳати такмили механизми вокуниш ба буҳрони созмон дар воқеияти геополитикии муосир анҷом медиҳанд, маълумот дода мешавад», — афзуд номбурда.
Дабири кулли СААД Станислав Зас дар бораи корҳои анҷомдода оид ба такмили механизми вокуниш ба буҳрони созмон дар воқеияти геополитикии муосир маълумот хоҳад дод.
СААД созмони байналмилалии амниятӣ буда, феълан шаш кишвар, аз ҷумла Арманистон, Беларус, Қазоқистон, Қирғизистон, Русия ва Тоҷикистон узви он мебошанд.
АКС: Хадамоти матбуоти СААД
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
