Дар Хоруғ бозори «20-солагии Истиқлолияти давлатии Ҷумҳурии Тоҷикистон» ба фаъолият шурӯъ кард

Июнь 15, 2022 15:42

ДУШАНБЕ, 15.06.2022 /АМИТ «Ховар»/. Дар маркази Вилояти Мухтори Кӯҳистони Бадахшон — шаҳри Хоруғ бо супориши Раиси вилоят Алишер Мирзонабот ба хотири таъмини тартиботи ҷамъиятӣ ва маданияти шаҳрдорӣ бозори «20 -солагии Истиқлолияти давлатии Ҷумҳурии Тоҷикистон» ба фаъолият шурӯъ кард.

Тавре ба АМИТ «Ховар» дар мақомоти иҷроии ҳокимияти давлатии ВМКБ хабар доданд, соҳибкороне, ки ба фурӯши маҳсулоти кишоварзӣ машғул буданд аз бозори марказии шаҳри Хоруғ ба бозори мазкур кӯчонида шуданд.

Бозори «20-солагии Истиқлолияти давлатии Ҷумҳурии Тоҷикистон» ба тамоми талаботи бозордорӣ ҷавобгӯ мебошад.

Ҳамзамон бо супориши Раиси вилоят ба маркази маъмурии вилоят — шаҳри Хоруғ 30 тонна тарбуз бо нархи аз 5 то 15 сомонӣ дастрас карда шуд. Сокинон маҳсулоти мазкурро дар муддати кӯтоҳ харидорӣ намуда, ба роҳбарияти вилоят барои чунин иқдоми нек изҳори сипос намуданд.

Ёдовар мешавем, ки шоми 28 май, соати 23:30 дақиқа дар бозори марказии шаҳри Хоруғ сӯхтор рух дод. Сӯхтор дар яке аз мағозаҳои ошёнаи якум сар зада, зиёда аз 20 мағозаи соҳибкоронро оташ фаро гирифта буд.

Акс: МИҲД-и ВМКБ

Июнь 15, 2022 15:42

Хабарҳои дигари ин бахш

Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани аз НБО «Роғун» боздид намуд
Дар ноҳияи Бобоҷон Ғафуров таъмини заминҳои кишоварзӣ бо оби полезӣ таҳти таваҷҷуҳи доимӣ қарор дорад
Антанелла Бассани: «Бонки ҷаҳонӣ дар оянда низ ҳавасманди ҳамкорӣ бо Тоҷикистон мебошад»
11 мутахассиси соҳаи нақлиёти Тоҷикистон дар Ҷопон таҷриба меомӯзад
Охири моҳи июн дар Тоҷикистон ҷашни Тиргон, иди зардолу ва намоиши хушкмеваҳо баргузор хоҳад шуд
«ЭНЕРГИЯИ САБЗ». Тоҷикистон ба яке аз давлатҳои пештози ҷаҳон дар ин соҳа табдил хоҳад ёфт
Дар Тоҷикистон майдони 23 987 гектар ҳосили зироати ғалладонагӣ ҷамъоварӣ шуд
Ҳамарӯза даҳҳо тонна пиёз ва картошка вориди бозорҳои Тоҷикистон мешавад
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст ва беҳтаринҳо соҳиби ҷоиза шуданд
Тоҷикистон ва Созмони ҷаҳонии сайёҳӣ ҳамкориро тақвият мебахшанд
Мушкилоти чорводорӣ. Чаро чорводорони дигар минтақаҳои мамлакат муҳлати ба чарогоҳҳои ноҳияи Сангвор овардани чорворо риоя намекунанд?
Дар шаҳри Ваҳдат Фестивал — намоиш ва фурӯши чорвои зотӣ оғоз шуд