Дар Турсунзода бо ташаббуси хоҷагии ангурпарварии «Боғи Сомон» мактаби нав бунёд мегардад
ТУРСУНЗОДА, 22.06.2022 /АМИТ «Ховар»/. Дар асоси дастуру супоришҳои Пешвои миллат муҳтарам Эмомалӣ Раҳмон вобаста ба рушди соҳаи маориф дар шаҳри Турсунзода бунёди биноҳои нави таълимӣ муташаккилона идома доранд. Аз ҷумла, дар деҳаи Янгибоғи шаҳр корҳои сохтмони муассисаи таълимии №92 бо дастгирии молиявии хоҷагии ангурпарварии «Боғи Сомон» дар сатҳи баланд идома дорад. Иншооти мазкур аз 2 ошёна ва 24 синфхонаю кабинетҳои фаннӣ иборат мебошад.
Тавре ба мухбири минтақавии АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд, дар ошёнаи якуми бино андовакашӣ ва насби тирезаҳо амалӣ гардида истодааст. Раиси хоҷагӣ «Боғи Сомон» Маҳмадамин Камолов иттилоъ дод, ки корҳо тибқи нақша идома дошта, мактаб дар соли нави таҳсил мавриди истифодаи насли наврас қарор дода мешавад.
Ҳамчунин бо ташаббуси мақомоти иҷроияи ҳокимияти давлатии шаҳри Турсунзода бинои иловагии муассисаи таълимии №71, ки иборат аз 6 синфхона мебошад бо ҷалби соҳибкорон ва кумитаи падару модарон ва сокинони деҳаи Бобониёз Тошев оғоз гардид. Тибқи маълумоти раиси Ҷамоати деҳоти ба номи Ҷӯра Раҳмонов бинокорон рӯзҳои наздик деворбардории биноро ба итмом расонида, ба насби тиреза ва андовакашии бино оғоз менамоянд.
Ёдовар мешавем, ки дар шаҳри Турсунзода ҷиҳати татбиқи сиёсати маорифпарваронаи муҳтарам Пешвои миллат бо мақсади муҳайё намудани шароити таҳсил дар заминаи 25 муассисаи таълимӣ сохтмони 265 синфхонаи иловагӣ барои 6360 ҷойи нишаст ба нақша гирифта шуда, корҳои сохтмонӣ муташаккилона идома доранд.
АКС: Мақомоти иҷроияи ҳокимияти давлатии шаҳри Турсунзода
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
