Дар Ярмаркаи байналмилалии савдо «Суғд-2022» 60 созишномаи ҳамкорӣ ба имзо расид

Июнь 20, 2022 15:44

ДУШАНБЕ, 20.06.2022 /АМИТ «Ховар»/. Дар доираи Ярмаркаи VIII байналмилалии савдо «Суғд-2022», ки 17 ва 18 июн дар шаҳри Хуҷанд баргузор гардид,  60 созишномаи ҳамкорӣ ба имзо расид. Дар ин бора ба АМИТ «Ховар» дар Хадамоти матбуотии Раиси вилояти Суғд хабар доданд.

Тавре иттилоъ дода шуд,  17 ва 18 июн дар шаҳри Хуҷанд Ярмаркаи байналмилалии савдо «Суғд-2022» дар сатҳи баланд доир гардид, ки дар он 400 нафар соҳибкорону тоҷирон аз минтақаҳои гуногуни Федератсияи Русия, Чин, Туркия, Эрон, Арабистони Саудӣ, вилоятҳои Тошканд, Фарғона, Самарқанд, Ҷиззах, Намангон, Хоразм, Сирдарёи Ҷумҳурии Узбекистон, вилоятҳои Минску Могилёви Ҷумҳурии Беларус, Қазоқистон иштирок карда, бо маҳсулоти дар Тоҷикистон истеҳсолшаванда, зарфияту имкониятҳои соҳаи саноату кишоварзӣ ошно гардиданд.

Дар доираи ярмарка ҷонибҳо барои рушди ҳамкории иқтисодӣ гуфтушунидҳо анҷом дода, барои роҳандозии ҳамкорӣ  як қатор созишномаҳоро ба имзо расониданд. Аз ҷумла, миёни мақомоти давлатӣ ва ширкату корхонаҳои истеҳсолии вилояти Суғд ва кишварҳои иштироккунанда  Федератсияи Русия, Чин, Туркия, Эрон, Узбекистон, Беларус, Қазоқистон 60 созишномаи нави ҳамкорӣ ба имзо расонида шуд.

Минбаъд дар асоси санадҳои имзошуда тарафҳо барои рушди ҳамкории иқтисодӣ ва амалисозии тарҳҳои муштарак фаъолият менамоянд.

АКС: Хадамоти матбуоти Раиси вилояти Суғд

 

Июнь 20, 2022 15:44

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад