Дар Женева татбиқи лоиҳаҳои Маркази байналмилалии савдо дар Тоҷикистон баррасӣ гардид
ДУШАНБЕ, 17.06.2022 /АМИТ «Ховар»/. Дар ҳошияи Конфронси 12-уми вазирони Созмони Умумиҷаҳонии Савдо дар шаҳри Женеваи Конфедератсияи Швейтсария вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Директори иҷроияи Маркази байналмилалии савдо (МБС) Памела Коук — Ҳамилтон баргузор гардид. Дар ин бора ба АМИТ «Ховар» дар Вазорати рушди иқтисод ва савдо хабар доданд.
Тавре иттилоъ дода шуд, дар мулоқот масъалаҳо вобаста ба ҷараёни татбиқи лоиҳаҳои аз ҷониби МБС дар Тоҷикистон амалишаванда баррасӣ гардиданд.
Вазири рушди иқтисод ва савдо Завқӣ Завқизода зикр намуд, ки ҷиҳати амалӣ намудани ҳадафу афзалиятҳои муайяннамудаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти тавсеаи гардиши савдои хориҷӣ, тақвияти иқтидори содиротӣ, диверсификатсияи содирот ва содагардонии расмиёти савдо тадбирҳои зарурӣ амалӣ гардидаанд.
Аз ҷумла, Кумитаи ҳамоҳангсоз оид ба содагардонии расмиёти савдо, «Барномаи давлатии рушди содироти Ҷумҳурии Тоҷикистон барои солҳои 2021-2025», «Барномаи миёнамуҳлати иқтисоди рақамии Ҷумҳурии Тоҷикистон барои солҳои 2021-2025», Равзанаи ягонаи барасмиятдарории амалиёти содиротию воридотӣ ва транзитӣ, Портали савдои Тоҷикистон қабул гардиданд, ки саҳми МБС дар таҳия ва қабули онҳо назаррас арзёбӣ мегардад.
Ҳамзамон дар раванди вохӯрӣ ҷонибҳо вобаста ба татбиқи лоиҳаҳои «Ready4Trade»-и Осиёи Марказӣ ва лоиҳаи ҷаҳонии нассоҷӣ ва дӯзандагӣ (GTEX), ки тавассути МБС дар кишварҳои минтақа амалӣ мегарданд, инчунин дастовардҳо ва самтҳои афзалиятноки ҳамкории минбаъда муҳокимаронӣ намуданд.
Илова бар ин, бо назардошти имкониятҳои мавҷудаи ҳамкорӣ аз ҷониби МБС ҷиҳати зиёд намудани чунин лоиҳаҳо дар Ҷумҳурии Тоҷикистон ва иштирок дар татбиқи ҳадафҳои дар ҳуҷҷатҳои стратегии кишвар пешбинишуда даъват ба амал оварда шуд.
Памела Кок Ҳамилтон низ дар навбати худ аз дастгирии бевоситаи Ҳукумати Ҷумҳурии Тоҷикистон дар доираи лоиҳаҳои дар Тоҷикистон татбиқшаванда ва иштирок дар низоми савдои бисёрҷониба истиқбол намуда, оид ба рушди муносибатҳо дар ин самт омодагии худро иброз карда, зикр кард, ки лоиҳаи нав вобаста ба зиёд намудани содироти маҳсулоти кишоварзии Ҷумҳурии Тоҷикистон бо маблағгузории шарикони рушд дар назар дошта шудааст.
Дар анҷоми вохӯрӣ ҷонибҳо омодагии худро ҷиҳати густариши ҳамкории мутақобилан судманд изҳор намуданд
АКС: Вазорати рушди иқтисод ва савдои ҶТ
CASA-1000. Ин лоиҳа ҳамчун пули энергетикӣ барои ҳамгироии иқтисодӣ ва сиёсӣ замина фароҳам меорад
Ба боғдорону соҳибкорон равандҳои ҳамлу нақл ва логистикаи содироти хушкмева аз Тоҷикистон ба бозорҳои ҷаҳон омӯзонида шуд
Иштирокчиёни Форуми сайёҳии «Суғд — чорроҳаи Роҳи бузурги Абрешим» Қалъаи Хуҷандро тамошо намуданд
Тоҷикистон барои сохтмони марказҳои агрологистикӣ хостори ҷалби сармоя аз Арабистони Саудӣ мебошад
Масоили марбут ба бунёди иншооти муҳими стратегӣ дар Тоҷикистон бо ҷалби сармояи Корея баррасӣ шуд
Дар Палатаи ҳисоб бо иштироки роҳбарони мақомоти олии аудити давлатҳои аъзои СҲШ ҳамоиш доир шуд
Тоҷикистон ва Эрон хостори таҳкими ҳамкории саноатӣ гардиданд
Ҷаласаи чоруми Комиссияи муштараки байниҳукуматӣ оид ба ҳамкории иқтисодию тиҷоратии Тоҷикистону Арманистон баргузор мегардад
Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
Дар Душанбе гузариш ба иқтисоди «сабз» ва истифодаи оқилонаи захираҳои ангишт баррасӣ гардид
Дар ноҳияи Спитамен дар 6490 гектар пунбадона кишт карда мешавад
Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
