Дурнамои тавсеаи ҳамкории мақомоти гумруки Тоҷикистон бо САҲА баррасӣ гардид
ДУШАНБЕ, 10.06.2022 /АМИТ «Ховар»/. Тавсеаи ҳамкории Хадамоти гумруки назди Ҳукумати Ҷумҳурии Тоҷикистон бо Созмони амният ва ҳамкорӣ дар Аврупо дар мулоқоти муовини якуми сардори Хадамоти гумруки назди Ҳукумати ҷумҳурӣ Азим Турсунзода бо Сафир — ҳамоҳангсози фаъолиятҳои иқтисодӣ ва экологии САҲА Игли Ҳасани дар Душанбе баррасӣ гардид. Дар ин бора ба АМИТ «Ховар» дар Хадамоти гумруки назди Ҳукумати ҷумҳурӣ иттилоъ доданд.
Ҷонибҳо масоили густариши ҳамкориро дар самтҳои технологияҳои иттилоотию коммуникатсионӣ, такмили ихтисоси кормандони Хадамоти гумрук ва муҷаҳҳаз гардонидани толори таълимӣ бо технологияҳои муосири рақамӣ муҳокима карданд.
Ҷонибҳо ҳамчунин оид ба масъалаҳои мубориза бар зидди терроризму ифротгароӣ, гардиши ғайриқонунии силоҳ ва маводи мухаддир, ҷиноятҳои фаромарзии муташаккил табодули назар намуданд.
Мусоҳибон инчунин дурнамои ҳамкориро барои соли 2022 пешбинӣ намуда, масъалаи гузаронидани арзёбии иқтидори малакаи касбии кормандони гумрук барои таҳияи модули нави таълимӣ, таҳияи саволҳои имтиҳонӣ барои брокерони гумрукӣ ва кормандони нав ба кор қабулшаванда дар мақомоти гумрук ва таҳлили муштарак бо Созмони умумиҷаҳонии гумрук (СУГ) дар робита ба Конвенсияи аз нав дида баромадашудаи Киоторо мавриди баррасӣ қарор доданд.
Дар доираи ҳамкории дуҷониба бо Дафтари барномаҳои САҲА дар Душанбе аз соли 2011 инҷониб беш аз 300 нафар кормандони мақомоти гумрук дар курсҳои гуногуни Коллеҷи САҲА ба таълим фаро гирифта шуда, аз таҷрибаи байналмилалӣ дар самтҳои фаъолияти гумрукӣ ва ҳифзи сарҳадӣ бархурдор гашта, бо шаҳодатномаҳои байналмилалӣ сарфароз гардидаанд. Инчунин дар доираи «Барномаи миёнамуҳлати рушди мақомоти гумруки Ҷумҳурии Тоҷикистон барои солҳои 2020-2024» толори нав бо технологияҳои муосири рақамӣ муҷаҳҳаз гардонида шуда, ҳамчун кумаки бебозгашт ба Хадамоти гумрук тақдим шудааст.
АКС: Хадамоти гумруки назди Ҳукумати Ҷумҳурии Тоҷикистон
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
