Эмомалӣ Раҳмон: «Тоҷикистон дар ҳалли мушкилоти об пешсаф будани худро собит намуд, ки аз ҷониби ҷомеаи ҷаҳонӣ ҷонибдорӣ ва қадрдонӣ карда мешавад»
ДУШАНБЕ, 07.06.2022 /АМИТ «Ховар»/. «Тоҷикистон дар арсаи байналмилалӣ дар масъалаи об бо пешниҳоду ташаббусҳои созанда баромад намуда, дар ин росто кишвар пешсаф будани худро собит кардааст, ки аз ҷониби ҷомеаи ҷаҳонӣ дастгирӣ ва қадрдонӣ карда мешавад», — ин нуктаро имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018 – 2028» дар мавзӯи «Пешбурди амал ва шарикӣ дар соҳаи захираҳои об дар сатҳи маҳаллӣ, миллӣ, минтақавӣ ва ҷаҳонӣ» баён доштанд, иттилоъ медиҳад мухбири АМИТ «Ховар» аз макони баргузории чорабинии сатҳи ҷаҳонӣ — «Кохи Сомон».
Президенти кишвар муҳтарам Эмомалӣ Раҳмон зикр карданд, ки Тоҷикистон намунаи омӯзиши оқилона ва самараноки захираҳои об мебошад.
«Ҳукумати Тоҷикистон ба манзури пайгирии ин равандҳо ва андешидани тадбирҳои мутобиқшавӣ «Барномаи давлатии омӯзиш ва ҳифзи пиряхҳо то соли 2030»-ро қабул намудааст. Мо дар назди Академияи илмҳо Маркази омӯзиши пиряхҳоро таъсис додем ва талошҳоро дар ин самт дар сатҳи байналмилалӣ зиёд хоҳем кард. Бояд тазаккур дод, ки Тоҷикистон ташаббуси таъсиси Хазинаи байналмилалии ҳифзи пиряхҳо ва эълон шудани соли 2025-ро ҳамчун Соли байналмилалии ҳифзи пиряхҳо ба миён гузошт», — таъкид карданд Сарвари давлат.
Сарвари давлат пиряхҳоро манбаи асосии оби тоза арзёбӣ намуда, хотиррасон карданд, ки обшавии босуръати онҳо дар баробари афзоиши истеъмоли об, вобаста ба афзоиши аҳолӣ ва рушди иқтисодӣ метавонад оқибатҳои хеле манфӣ дошта бошад.
Лайло ТОИРӢ,
АМИТ «Ховар»
АКС: АМИТ «Ховар»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
