ФУТБОЛ. Тими миллии Тоҷикистон ҷамъомади тамриниро дар Дубай ба анҷом расонид

Июнь 4, 2022 09:00

ДУШАНБЕ, 04.06.2022 /АМИТ «Ховар»/. Дастаи мунтахаби Тоҷикистон дар доираи омодагӣ ба марҳилаи интихобии Ҷоми Осиё-2023 дар Дубай ҷамъомади дуҳафтаинаи тамринӣ баргузор кард. Дар ин бора ба АМИТ «Ховар» дар Федератсияи футболи Тоҷикистон хабар доданд.

Ба ҷамъомади таълимиву тамринӣ дар АМА 25 бозингар ҷалб карда шуд. Бо тасмими ситоди мураббиён ва сармураббии дастаи мунтахаби Тоҷикистон Петр Сегрт ҳамаи бозингарон ба Бишкек мераванд. Ба дархости ниҳоии даста барои ширкат дар марҳилаи интихобии Ҷоми Осиё-2023 23 бозингар шомил карда мешавад.

Бояд гуфт, ки дар марҳилаи интихобии Ҷоми Осиё-2023 мунтахаби Тоҷикистон дар гурӯҳи «F» бозӣ мекунад. Рақибони тими мо яккачинҳои Мянмар (8 июн), Сингапур (11 июн) ва Қирғизистон (14 июн) хоҳанд буд. Ҳамаи бозиҳо дар варзишгоҳи ба номи Долон Омурзоқови шаҳри Бишкек баргузор мешаванд.

Бар асоси натоиҷи марҳилаи интихобӣ ғолибони шаш гурӯҳ ва панҷ дастаи беҳтарини дар зинаи дуюм ҷойдошта ба марҳилаи финалии Ҷоми Осиё-2023 роҳ меёбанд.

Ҳайати тими миллии Тоҷикистон:

Дарвозабонҳо: Рустам Ятимов, Муҳриддин Ҳасанов (ҳарду аз «Истиқлол»), Сафармад Ғаффоров («Регар-ТадАЗ»);

Ҳимоятгарон: Ваҳдат Ханонов, Манучеҳр Сафаров (ҳарду аз «Персеполис», Эрон), Давронҷон Эргашев («Бунёдкор», Ӯзбекистон), Сиёвуш Асроров («Раҳматганҷ», Бангладеш), Зоир Ҷӯрабоев («Сурхон», Ӯзбекистон), Аҳтам Назаров, Алиҷони Кароматуллозода, Далер Имомназаров (ҳама аз «Истиқлол»), Меҳрубон Каримов (СК «Пеликан», Туркия);

Нимҳимоятгарон: Парвизҷон Умарбоев («Локомотив», Булғористон), Эҳсони Панҷшанбе («Навбаҳор», Ӯзбекистон), Амирбек Ҷӯрабоев («Юнайтед Сити», Филиппин), Комрон Турсунов («Черчилл Бразерс», Ҳиндустон), Муҳаммадҷон Раҳимов, Шаҳром Сулаймонов, Шервонӣ Мабатшоев (ҳама аз «Истиклол»), Парвиз Боқӣ-Охунов («Хатлон»), Алиҷони Айнӣ («Регар-ТадАЗ»);

Ҳамлагарон: Шериддин Бобоев («Мактаарал», Қазоқистон), Шаҳром Самиев («Торпедо-БелАЗ», Беларус), Манучеҳр Ҷалилов («Истиқлол»), Нуриддин Ҳамроқулов («Хатлон»).

Ҳайати роҳбарикунанда: Азизҷон Достиев – менеҷери даста, Петр Сегрт (Хорватия) – сармураббӣ, Гела Шекиладзе (Гурҷистон) – мураббӣ, Тамаз Бокерия (Гурҷистон) – мураббӣ, Алифбек Беромов – мураббӣ, Владимир Крунич (Черногория) – мураббии тарбияи ҷисмонӣ, Алишер Тӯйчиев – мураббии дарвозабонҳо, Фаррух Авезов – табиб, Саидҷон Эргашев ва Давронбек Ҷӯраев – маҳсгар, Абдураҳим Муҳаммадзода – маъмур.

Акс: ФФТ

Июнь 4, 2022 09:00

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад