МАРҲИЛАИ ИНТИХОБИИ ҶОМИ ОСИЁ-2023. Мунтахаби Тоҷикистон тими Мянмарро мағлуб кард

ДУШАНБЕ, 08.06.2022 /АМИТ «Ховар»/. Дастаи мунтахаби Тоҷикистон оид ба футбол имрӯз дар бозии аввали марҳилаи интихобии Ҷоми Осиё-2023 дар гурӯҳи «F» тими Мянмарро бо ҳисоби 4:0 мағлуб намуд, хабар медиҳад мухбири АМИТ «Ховар».

Тими мунтахаби Тоҷикиситон дар даврҳои минбаъда дар гурӯҳи «F» бо Сингапур (11 июн) ва Қирғизистон (14 июн) бозӣ хоҳад кард.  Ҳамаи бозиҳо дар варзишгоҳи ба номи Долон Омурзоқови шаҳри Бишкек баргузор мешаванд.

Бар асоси натоиҷи марҳилаи интихобӣ, ғолибони шаш гурӯҳи интихобӣ ва панҷ дастаи беҳтарини дар зинаи дуюм ҷойгирифта ба қисмати финалии Ҷоми Осиё-2023 роҳ меёбанд.

Бозиҳои интихобии Ҷоми Осиё-2023

Гурӯҳи «F»

Даври 1
8 июн (чоршанбе)

15:30 – ТОҶИКИСТОН – Мянмар – 4:0

20:00 – Қирғизистон – Сингапур

Даври 2
11 июн (шанбе)

15:30 – Сингапур – ТОҶИКИСТОН

20:00 – Мянмар – Қирғизистон

Даври 3
14 июн (сешанбе)

15:30 – Мянмар – Сингапур

20:00 – Қирғизистон – ТОҶИКИСТОН

Эзоҳ: оғози бозӣ ба вақти Душанбе аст.

Акс: ФФТ