Владимир Путин меҳнати муҳоҷирони тоҷикро дар Русия назаррас арзёбӣ кард

Июнь 29, 2022 13:02

ДУШАНБЕ, 29.06.2022 /АМИТ «Ховар»/. Шаҳрвандони Тоҷикистон, ки дар Русия кор мекунанд, дар рушди иқтисоди Русия саҳми арзанда доранд. Дар ин бора дирӯз, 28 июн дар Душанбе Президенти Русия Владимир Путин дар мулоқот бо Президенти Ҷумҳурии Тоҷикистон Эмомалӣ Раҳмон иброз намуд.

«Имрӯз метавон гуфт, ки ин одамон дар рушди иқтисоди кишвари мо саҳми арзанда доранд ва онҳо мисли як пули инсонӣ, пули дӯстӣ миёни Русия ва Тоҷикистон ҳастанд», — изҳор дошт Путин.

Владимир Путин ёдовар шуд, ки дар Федератсияи Русия барои муҳоҷирони меҳнатӣ «шароити мусоид» ҷорӣ шудааст ва таъкид кард, ки Президенти Ҷумҳурии Тоҷикистон Эмомалӣ Раҳмон дар ин гуна вохӯриҳои шахсӣ масъалаи меҳнати шаҳрвандони Тоҷикистонро дар Русия «пайваста» матраҳ менамоянд.

Ёдовар мешавем, ки охири моҳи декабри соли 2019 Владимир Путин Қонун «Дар бораи ба тасвиб расонидани Созишномаи байниҳукуматӣ бо Тоҷикистон оид ба ҷалби муташаккили муҳоҷирони меҳнатӣ»-ро имзо кард. Созишномаи мазкур 17 апрели соли 2019 дар Москва зимни сафари Президенти Ҷумҳурии Тоҷикистон Эмомалӣ Раҳмон имзо гардид.

Дар мулоқоти ду президент дар он замон дар Кремл ба ҳамкории Русия ва Тоҷикистон дар заминаи муҳоҷирати меҳнатӣ таваҷҷуҳи хоса зоҳир шуд. Аз ҷумла, масъалаҳои ба танзим даровардани ҷараёни муҳоҷират ва беҳбуд бахшидани шароити будубош, фаъолияти муҳоҷирони тоҷик ва хонаводаҳои онҳо дар Федератсияи Русия баррасӣ гардиданд.

Дар музокироти роҳбарони Тоҷикистону Русия моҳи майи соли 2021 дар Москва Владимир Путин аз нарасидани коргарон дар тамоми бахшҳои иқтисод изҳор дошт. Путин баъдан таъкид кард, ки Русия тамоми чораҳоро меандешад, то муҳоҷирони меҳнатӣ худро дар ин ҷо роҳат ҳис намоянд.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Июнь 29, 2022 13:02

Хабарҳои дигари ин бахш

«Туту.ру»: Тоҷикистон ба панҷгонаи маъруфтарин кишварҳои мавсими махмалин барои русиягиҳо шомил гардид
ИМРӮЗ-РӮЗИ БАЙНАЛМИЛАЛИИ ҶАВОНОН. Бахшида ба ин сана дар Тоҷикистон Анҷумани VIII маҳфили «Ҷавононе, ки дар хориҷи кишвар таҳсил мекунанд» оғоз меёбад
БАРОИ ЭЛЕКТРОМОБИЛҲО ЧАРОҒАК САБЗ АСТ. Тоҷикистон ният дорад истифодаи чунин воситаҳои нақлиётро афзоиш дода, воридоти онҳоро аз пардохтҳои андозӣ ва гумрукӣ пурра озод кунад
Узбекистон тасмим гирифтааст, ки миёни Бухоро ва Душанбе хатсайри мустақим ифтитоҳ намояд
ДАР АВРУПО БИНОБАР НОРАСОИИ ОБ ВА ХУШКСОЛӢ ДАРАҶАИ «СУРХ»-И ХАВФ ҶОРӢ ШУДААСТ. Тоҷикистон ва Нидерланд ба баргузории Конфронси СММ оид ба масъалаҳои об дар Ню Йорк омодагӣ мебинанд
ПРЕЗИДЕНТИ ТОҶИКИСТОН ДАР ИН БОРА ҲУШДОР ДОДА БУДАНД. Пиряхҳои Антарктида аз ҳисоби 2-3 дараҷа гарм шудани об тезтар об мешаванд
КҲФ ҲУШДОР МЕДИҲАД: ЭҲТИЁТ КУНЕД! Аз 5 то 8 август дар Тоҷикистон омадани селҳои пиряхӣ эҳтимол дорад
ПРЕЗИДЕНТИ ТОҶИКИСТОН БОРҲО ДАР ИН МАВЗӮЪ ГУФТААНД. Барномаи СММ хабар медиҳад, ки ғарби ИМА метавонад бе об ва барқ бимонад
ОБХЕЗИИ ХАРОБИОВАР ДАР ЭРОН. Президенти Тоҷикистон ба Президенти Эрон барқияи изҳори тасаллӣ ирсол намуданд
COVID-19. Ба Тоҷикистон беш аз 2 миллион воя ваксинаи «КоронаВак» ворид гардид
ТАЛАБОТ БА ЧИПТАҲОИ ҲАВОПАЙМО 10 БАРОБАР ЗИЁД ШУД! Тоҷикистон миёни кишварҳои маъруфтарин барои сафари шаҳрвандони Русия дар ҷои дуюм қарор гирифт
ҲАВОИ МОҲИ АВГУСТ ДАР ТОҶИКИСТОН САЛҚИНТАР МЕШАВАД? Ба ин савол ба АМИТ «Ховар» дар Агентии обуҳавошиносӣ посух доданд

Маводҳои таҳлилӣ